ម៉ូតូទឹកកម្ពុជាចាយលុយជាង៣០ម៉ឺនដុល្លារត្រៀមទៅ Asian Games
- 2018-08-21 23:21:00
- ចំនួនមតិ 0 | ចំនួនចែករំលែក 0
ម៉ូតូទឹកកម្ពុជាចាយលុយជាង៣០ម៉ឺនដុល្លារត្រៀមទៅ Asian Games
ចន្លោះមិនឃើញ
សហព័ន្ធកីឡាម៉ូតូទឹកកម្ពុជា (Jet Ski) បានចំណាយលុយជាង៣០ម៉ឺនដុល្លារក្នុងការត្រៀមខ្លួនសម្រាប់ចូលរួមប្រកួតកីឡាទ្វីបអាស៊ី Asian Games នៅប្រទេសឥណ្ឌូណេស៊ី។
ឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជាបានឲ្យដឹងថា សហព័ន្ធបានត្រៀម និងហ្វឹកហាត់តាំងពីឆ្នាំ២០១៧ដែលជាឆ្នាំសហព័ន្ធត្រូវបានបង្កើតឡើងជាផ្លូវការ។ សហព័ន្ធបានចំណាយលុយជាច្រើនដើម្បីបញ្ជូនកីឡាករទៅហ្វឹកហាត់ និងប្រកួតនៅក្រៅប្រទេស ដូចជាសំបុត្រយន្តហោះ អាហារ ការស្នាក់នៅ សម្ភារៈហ្វឹកហាត់ ម៉ូតូសម្រាប់ប្រណាំងតែម្តងដែលសុទ្ធតែមានតម្លៃថ្លៃៗ។ ជាពិសេសទៀតនោះ សហព័ន្ធបានជួលគ្រូបង្វឹកជនជាតិបរទេស ជាងមេកានិកបរទេស និងទីប្រឹក្សាក៏បរទេស។
ឯកឧត្តម ណុះ ស្លេះ លើកឡើងពីការត្រៀមខ្លួន
ឯកឧត្តមបញ្ជាក់ថា សហព័ន្ធទទួលបានលុយតិចតូចពីសប្បុរសជន ប៉ុន្តែបានលោក Karl Heinrich ជនជាតិអាល្លឺម៉ង់ដែលជាទីប្រឹក្សាជាន់ខ្ពស់របស់សហព័ន្ធទទួលបន្ទុកលើការចំណាយ និងជួយអភិវឌ្ឍវិស័យកីឡាម៉ូតូទឹកកម្ពុជា។
កីឡាករកម្ពុជា២នាក់ត្រូវបានជ្រើសរើសតំណាងឲ្យកម្ពុជាចូលរួមប្រកួតកីឡាទ្វីបអាស៊ីគឺ ម៉ឺន មូស្ពាន និង សាលី អ៊ូមើត។ ម៉ីន មូស្តាន ធ្លាប់ឈ្នះមេដាយមាស២គ្រឿង និងសំរឹទ្ធ១គ្រឿង ឆ្នាំ២០១៧ក្នុងពានស្តេចថៃ។ កីឡាករ សាលី អ៊ូមើត ជាកីឡាករកម្ពុជាឆ្នើមតាំងឆ្នាំ២០០៩ធ្លាប់ឈ្នះពានរង្វាន់សរុបចំនួន៨។ កាលឆ្នាំ២០១០ ឈ្នះពានមួយទៀតក្នុងការប្រកួតកម្រិតខ្ពស់នៅប្រទេសម៉ាឡេស៊ី និងឈ្នះពាន២ និងមេដាយសំរឹទ្ធ១ក្នុងការប្រកួតកម្រិតពិភពលោកនៅសហរដ្ឋអាមេរិក៕
តាមដានព័ត៌មានកីឡាទ្វីបអាស៊ី សូមចុច Asian Games
ឃើញប្រវត្តិ ម៉ីន មូស្តាន និង សាលី អ៊ូមើត ពិតជាគួរឲ្យសរសើរ
ស្ទើរគ្មានអ្នកដឹង ម៉ូតូទឹកកម្ពុជាឈ្នះពានកម្រិតពិភពលោកជាច្រើនមុន Asian Games មកដល់