ប្រាក់អាទិត្យ១២ម៉ឺនផោន តែ Kanté សុំត្រឹមជិះឡានមួយទឹកតូចមួយ
- 2018-08-21 07:46:07
- ចំនួនមតិ 0 | ចំនួនចែករំលែក 0
ប្រាក់អាទិត្យ១២ម៉ឺនផោន តែ Kanté សុំត្រឹមជិះឡានមួយទឹកតូចមួយ
ចន្លោះមិនឃើញ
នៅពេលគេនិយាយពីខ្សែបម្រើការពារល្អបំផុតមួយលើពិភពលោកនោះអ្នកនឹងនឹកឃើញដល់ Ngolo Kante ជៀសមិនរួច។
ក្រៅពីភាពប៉ិនប្រសប់លើទីលានកីឡាករសញ្ជាតិបារាំងរូបនេះជាមនុស្សដាក់ខ្លួនបំផុត សុភាពរាបសា មិនអួតអាង និងអៀនច្រើន។ តាមការបង្ហើបពីមិត្តរួមក្រុមម្នាក់ ក្រោយជួយបារាំងឈ្នះ World Cup កីឡាករ Kanté មិនហ៊ានសូម្បីតែដណ្ដើមពានពីមិត្តរួមក្រុមមកថត។
តារាឆ្នើមស្បែកខ្មៅវ័យ ២៧ឆ្នាំបានជួយ Leicester City ឈ្នះ Premier League ជាប្រវត្តិសាស្ត្រ និងបន្តលើកពានជាមួយ Chelsea ទៀតក្រោយផ្ទេរទៅកាន់ទឹកដី Stamford Bridge ក្នុងតម្លៃ៣០លានផោន។ ខុសពីមិត្តរួមក្រុមដទៃដែលប្រើរថយន្តទំនើបៗតម្លៃក្បែរលាន Kanté ជិះត្រឹមឡានតូចមួយដែលសល់តាំងពីលេងនៅក្លឹបចាស់មកម្ល៉េះ។
The Sunអះអាងថាម្ចាស់អាវលេខ៧នៅតោខៀវជិះរថយន្តម៉ាក Mini Cooper មួយតឹកទិញតពីគេតម្លៃខ្ទង់២ម៉ឺនប៉ុណ្ណោះ។ កីឡាករដែលទទួលប្រាក់ប្រចាំសប្ដាហ៍១២ម៉ឺនផោនបានប្រាប់មូលហេតុថា៖ ខ្ញុំមិនមែនជាមនុស្សចូលចិត្តលេងឡានទេ។ កាលពីក្មេងខ្ញុំក៏មិនដែលគិតថាខ្លួនឯងមានឡានជិះដែរ។ ឡាន Mini របស់ខ្ញុំ គឺជាការចាប់ផ្ដើមរៀនបើកខាងឆ្វេង (ចរាចរណ៍នៅអង់គ្លេស) ខ្ញុំទិញវាកាលនៅ Leicester ហើយនៅជិះដល់សព្វថ្ងៃ៕