ឡុង ជិន ឈ្នះខ្សែក្រវាត់មែន ប៉ុន្តែក៏សល់ស្នាម៥ថ្នេរ

2018-08-21 10:01:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡុង ជិន ឈ្នះខ្សែក្រវាត់របស់សង្វៀនអាស៊ីអាគ្នេយ៍កាលពីថ្ងៃសៅរ៍កន្លងទៅមែន ប៉ុន្តែក៏រងរបួសបែកចុងចិញ្ចើមស្ដាំ ដេរដល់ទៅ ៥ថ្នេរ ផងដែរ។ ចំណែក ឈិត សេរីវណ្ណថង ក៏មានរបួសបែកផងដែរនាជំនួបផ្ដាច់ព្រ័ត្រនោះ។

កីឡាករ ឡុង ជិន

ឡុង ជិន ប្រាប់ឲ្យដឹងថា កាលពីប្រកួតផ្ដាច់ព្រ័ត្រគឺបុកនិងក្បាលរបស់សិស្សប្អូន ឈិត សេរីវណ្ណថង បែកចិញ្ចើមស្ដាំ។ បើនិយាយពីការប្រកួតនោះវិញ ក៏ពិបាកផងដែរ ទម្រាំឈ្នះខ្សែក្រវាត់ ព្រោះអីដៃគូចូលបុករហូត។

ឡុង ជិន

និយាយទៅដល់អារម្មណ៍វិញ អ្នកប្រដាល់មកពីខេត្តកណ្ដាលរូបនេះ រំភើបខ្លាំង ព្រោះចូលប្រឡូកប្រដាល់យូរដែរហើយ ខណៈពេលថ្មីៗនេះក៏ធ្លាប់របូតម្ដងហើយ វគ្គផ្ដាច់ព្រ័ត្រជាមួយ សុខ ធី កាលនៅសង្វៀនបាយ័នស្ទឹងមានជ័យប៉ុន្មានខែមុននេះ។

ឡុង ជិន

ឡុង ជិន ប្រកួតវគ្គផ្ដាច់ព្រ័ត្រខ្សែក្រវាត់ខារ៉ាប៉ាវ ទម្ងន់៥៧គីឡូក្រាម ឈ្នះពិន្ទុអ្នកប្រដាល់ ឈិត សេរីវណ្ណថង កាលពីថ្ងៃសៅរ៍ទី១៨ ខែសីហា ឆ្នាំ២០១៨ នៅសង្វៀនអាស៊ីអាគ្នេយ៍។ ម្ចាស់ខ្សែក្រវាត់បានថវិកា ២០លានរៀល ខណៈជើងឯករងបានថវិកា ១២លានរៀល៕

អត្ថបទ៖ នួន ស៊ីណា