ក្នុងម៉ោងរៀនសោះ សារ៉ាយ សក្ខណា បញ្ចុះបញ្ចូលបានជនជាតិគេ២នាក់មកកូរបាន!
- 2018-08-22 04:01:07
- ចំនួនមតិ 0 | ចំនួនចែករំលែក 0
ក្នុងម៉ោងរៀនសោះ សារ៉ាយ សក្ខណា បញ្ចុះបញ្ចូលបានជនជាតិគេ២នាក់មកកូរបាន!
ចន្លោះមិនឃើញ
នៅថ្ងៃម្សិលមិញនេះ សារ៉ាយ សក្ខណា បញ្ចេញវីដេអូប្លែកមួយ ដោយនាងបាននាំបុរសជនជាតិបរទេស២នាក់មករាំផង ច្រៀងរ៉េបផង ក្រោយពីពួកគេព្រមតាមការបញ្ចុះបញ្ចូលបើទោះនៅក្នុងម៉ោងកំពុងរៀនក៏ដោយ។
តារាសម្ដែងកូន១ ប្រាប់ថា ពេលនោះ នាង កំពុងរៀនថ្នាក់ភាសាអង់គ្លេស ហើយបុរសជនជាតិបរទេស២នាក់ ម្នាក់ស្បែកស ម្នាក់ស្បែកខ្មៅ នោះ គឺជាមិត្តរួមថ្នាក់របស់នាង។ "ពេលហ្នុងខ្ញុំនៅរៀន តើបង ប៉ុន្តែម៉ោងចេញលេង ក៏បបួលពួកគាត់ទៅ ខ្ញុំប្រាប់ថា ខ្ញុំចង់ថតឃ្លិបវីដេអូចម្រៀងមួយនិយាយពីលុយ ហើយពួកគាត់ថា OK "។
វីដេអូចម្រៀង ដែល សក្ខណា ច្រៀងរ៉េបផង រាំផងជាមួយមិត្តភ័ក្ដិជនជាតិគេនោះ មានចំណងជើងថា "អំណាចលុយ" ជាបទថ្មីរបស់មិត្តភ័ក្ដិនាង ដែលបានស្នើសុំឲ្យនាងជួយធ្វើវីដេអូផ្សព្វផ្សាយឲ្យផង។ "ខ្ញុំបបួលពួកគាត់ ពួកគាត់ក៏យល់ព្រម តែបងអើយ ពួកគាត់អត់ចេះសម្ដែងទេ...ពិសេសម្នាក់ស្បែកខ្មៅ គាត់ថា គាត់ទៅអត់រួចទេ អស់ប៉ុណ្ណឹងហើយ សើច!”។
បច្ចុប្បន្ន សារ៉ាយ សក្ខណា កំពុងរស់នៅសហរដ្ឋអាមេរិកក្រោយបានរៀបការជាមួយលោក កែវ មេត្រី ហើយចេញទៅរស់នៅទីនោះកាលពីឆ្នាំដើមឆ្នាំ ២០១៤។ ដោយសារនៅស្រុកគេ តម្រូវការការប្រើប្រាស់ភាសាអង់គ្លេសខ្លាំង ហើយកាលនៅស្រុកនាងរៀនភាសាបានតិចតួច ទើបទៅដល់សហរដ្ឋអាមេរិក នាងកំពុងសិក្សាបន្ថែមអំពីភាសានេះ។
តាមការបញ្ជាក់របស់សាមីខ្លួន ការសិក្សារបស់នាង គ្រោងនឹងបញ្ចប់វគ្គទី១ក្នុងឆាប់ៗនេះ។ ក្រោយពីសម្រាកមួយរយៈពេល ការសិក្សារបស់នាង នឹងចាប់ផ្ដើមវគ្គថ្មីបន្តបន្ទាប់ទៀត សរុបទាំងអស់ត្រូវចំណាយពេលប្រមាណ ២-៣ទើបបញ្ចប់៕