ឈិត សេរីវណ្ណថង ទទួលស្គាល់ថាខ្លួនឯងខ្សោយចាប់ នឹងខំប្រឹងកែប្រែចំណុចនេះ
- 2018-08-22 06:37:34
- ចំនួនមតិ 0 | ចំនួនចែករំលែក 0
ឈិត សេរីវណ្ណថង ទទួលស្គាល់ថាខ្លួនឯងខ្សោយចាប់ នឹងខំប្រឹងកែប្រែចំណុចនេះ
ចន្លោះមិនឃើញ
អ្នកប្រដាល់កំពុងល្បីឈ្មោះ ឈិត សេរីវណ្ណថង ពិតជាទទួលស្គាល់ថាខ្លួនខ្សោយចាប់ និងចាញ់និងចាញ់កម្លាំងនាប្រកួតកន្លងទៅ ជាពិសេសវគ្គផ្ដាច់ព្រ័ត្រជាជើងខ្លាំង ឡុង ជិន កាលពីថ្ងៃសៅរ៍សប្ដាហ៍មុននេះ។
សេរីវណ្ណថង ប្រាប់ឲ្យដឹងថា រូបគេពិតជាខ្សោយចាប់នាពេលបច្ចុប្បន្ននេះ ហើយមូលហេតុដែលធ្វើឲ្យខ្លួនខ្សោយស្នៀតនេះក៏ព្រោះតែមិនមានអ្នកចាប់ឡាំជាមួយពេលហាត់ម្ដងៗ ដោយសារតែក្នុងក្លឹបភាគច្រើនគឺក្មេងៗប៉ុណ្ណោះ។
បើនិយាយពីវគ្គផ្ដាច់ព្រ័ត្រជាមួយ ឡុង ជិន អ្នកប្រដាល់មកពីខេត្តបាត់ដំបងខាងលើ មើលឃើញចំណុចខ្សោយរបស់គឺចាញ់កម្លាំង និងចូលចាប់គឺនៅជ្រាយតែម្ដង ប៉ុន្តែបើមានឱកាសលើកក្រោយៗទៀត នឹងខំប្រឹងកែប្រែចំណុចខ្វះខាតទាំងនេះឲ្យល្អឡើងវិញ។
ឈិត សេរីវណ្ណថង ជាអ្នកប្រដាល់មកពីខេត្តបាត់ដំបង ស្ថិតនៅក្នុងក្លឹបរ៉ាហ៊ូកីឡា ប្រកួតចុងក្រោយចាញ់ពិន្ទុកីឡាករ ឡុង ជិន ក្នុងវគ្គផ្ដាច់ព្រ័ត្រខ្សែក្រវាត់ខារ៉ាប៉ាវ ទម្ងន់ ៥៧គីឡូក្រាម នៅសង្វៀនអាស៊ីអាគ្នេយ៍៕