ត្រឹមថ្ងៃទី២២សីហានេះ ប្រទេសអាស៊ាន៧បានមេដាយកីឡាទ្វីបអាស៊ី
- 2018-08-22 07:21:57
- ចំនួនមតិ 0 | ចំនួនចែករំលែក 0
ត្រឹមថ្ងៃទី២២សីហានេះ ប្រទេសអាស៊ាន៧បានមេដាយកីឡាទ្វីបអាស៊ី
ចន្លោះមិនឃើញ
ព្រឹត្តិការណ៍កីឡាទ្វីបអាស៊ីឆ្នាំ២០១៨ត្រូវបានបើកជាផ្លូវការតាំងពីថ្ងៃទី១៨ ខែសីហា ឆ្នាំ២០១៨នៅប្រទេសឥណ្ឌូណេស៊ីដែលរហូតដល់ព្រឹកថ្ងៃទី២២ ខែសីហានេះមានប្រទេសអាស៊ាន៧ហើយដែលមានទទួលបានមេដាយ ខណៈ៦ប្រទេសផ្សេងទៀតមិនទាន់ឈ្នះមេដាយណាមួយឡើយ។
ម្ចាស់ផ្ទះឥណ្ឌូណេស៊ីជាប្រទេសអាស៊ានរកបានមេដាយច្រើនជាងគេរហូតដល់ពេលនេះគឺ១២គ្រឿងហើយគឺមាស៥ ប្រាក់២ និងសំរឹទ្ធ៥។ តាមលទ្ធផលនេះមានន័យថា កីឡារបស់ឥណ្ឌូណេស៊ីឡើងវគ្គផ្តាច់ព្រ័ត្រ៧វិញ្ញាសាគឺឈ្នះ៥ និងចាញ់តែ២ប៉ុណ្ណោះ។
ចំណែកថៃទទួលបានមេដាយ១០គ្រឿង ហ្វីលីពីន៥គ្រឿង វៀតណាម៩គ្រឿង មីយ៉ាន់ម៉ា២គ្រឿង ហើយម៉ាឡេស៊ី និងសិង្ហបុរីបាន១គ្រឿងម្នាក់។ ដោយឡែក៤ប្រទេសផ្សេងទៀតរបស់អាស៊ានគឺ កម្ពុជា ប៊្រុយណេ ឡាវ និងទីម័រខាងកើតមានមានមេដាយរាប់ឡើយ។
ប្រទេសអាស៊ានដែលឈ្នះមេដាយ និងមិនទាន់ឈ្នះមេដាយ
បើនិយាយពីប្រទេសអាស៊ីទាំងមូលគឺចិនកំពុងនាំគេដាច់ឆ្ងាយតែម្តងដោយឈ្នះមេដាយ៦៥គ្រឿងហើយគឺមាស៣២ ប្រាក់២១ និងសំរឹទ្ធ១២។ ចំណែកជប៉ុនស្ថិតនៅលំដាប់លេខ២ដោយឈ្នះមេដាយ៥២គ្រឿង និងកូរ៉េខាងត្បូងលេខ៣ជាមួយនឹងមេដាយ៣៥គ្រឿង ហើយម្ចាស់ផ្ទះឥណ្ឌូណេស៊ីឈរលេខ៤៕