ត្រឹមថ្ងៃទី២២សីហានេះ ប្រទេសអាស៊ាន៧បានមេដាយកីឡាទ្វីបអាស៊ី

2018-08-22 07:21:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡាទ្វីបអាស៊ីឆ្នាំ២០១៨ត្រូវបានបើកជាផ្លូវការតាំងពីថ្ងៃទី១៨ ខែសីហា ឆ្នាំ២០១៨នៅប្រទេសឥណ្ឌូណេស៊ីដែលរហូតដល់ព្រឹកថ្ងៃទី២២ ខែសីហានេះមានប្រទេសអាស៊ាន៧ហើយដែលមានទទួលបានមេដាយ ខណៈ៦ប្រទេសផ្សេងទៀតមិនទាន់ឈ្នះមេដាយណាមួយឡើយ។

កីឡាការិនីចិនឈ្នះមេដាយមាស (រូបថត៖ Asian Games 2018)

ម្ចាស់ផ្ទះឥណ្ឌូណេស៊ីជាប្រទេសអាស៊ានរកបានមេដាយច្រើនជាងគេរហូតដល់ពេលនេះគឺ១២គ្រឿងហើយគឺមាស៥ ប្រាក់២ និងសំរឹទ្ធ៥។ តាមលទ្ធផលនេះមានន័យថា កីឡារបស់ឥណ្ឌូណេស៊ីឡើងវគ្គផ្តាច់ព្រ័ត្រ៧វិញ្ញាសាគឺឈ្នះ៥ និងចាញ់តែ២ប៉ុណ្ណោះ។

កីឡាករឥណ្ឌូណេស៊ីឈ្នះមេដាយមាស (រូបថត៖ Asian Games 2018)

ចំណែកថៃទទួលបានមេដាយ១០គ្រឿង ហ្វីលីពីន៥គ្រឿង វៀតណាម៩គ្រឿង មីយ៉ាន់ម៉ា២គ្រឿង ហើយម៉ាឡេស៊ី និងសិង្ហបុរីបាន១គ្រឿងម្នាក់។ ដោយឡែក៤ប្រទេសផ្សេងទៀតរបស់អាស៊ានគឺ កម្ពុជា ប៊្រុយណេ ឡាវ និងទីម័រខាងកើតមានមានមេដាយរាប់ឡើយ។

ប្រទេស១០ដែលឈ្នះមេដាយច្រើនជាងគេគិតត្រឹមថ្ងៃទី២២ សីហា ២០១៨

ប្រទេសអាស៊ានដែលឈ្នះមេដាយ និងមិនទាន់ឈ្នះមេដាយ

ឥណ្ឌូណេស៊ី៖ ១២គ្រឿង (មាស៥ ប្រាក់២ និងសំរឹទ្ធ៥)
ថៃ៖ ១០គ្រឿង (មាស១ ប្រាក់១ និងសំរឹទ្ធ៨)
ហ្វីលីពីន៖ ៥គ្រឿង (មាស១ និងសំរឹទ្ធ៤)
វៀតណាម៖ ៩គ្រឿង (ប្រាក់៣ និងសំរឹទ្ធ៦)
មីយ៉ាន់ម៉ា៖ សំរឹទ្ធ២
ម៉ាឡេស៊ី៖ សំរឹទ្ធ១
សិង្ហបុរី៖ សំរឹទ្ធ១
កម្ពុជា
ប៊្រុយណេ
ឡាវ
ទីម័រខាងកើត

កីឡាការិនីឥណ្ឌូណេស៊ីឈ្នះមេដាយមាស (រូបថត៖ Asian Games 2018)

បើនិយាយពីប្រទេសអាស៊ីទាំងមូលគឺចិនកំពុងនាំគេដាច់ឆ្ងាយតែម្តងដោយឈ្នះមេដាយ៦៥គ្រឿងហើយគឺមាស៣២ ប្រាក់២១ និងសំរឹទ្ធ១២។ ចំណែកជប៉ុនស្ថិតនៅលំដាប់លេខ២ដោយឈ្នះមេដាយ៥២គ្រឿង និងកូរ៉េខាងត្បូងលេខ៣ជាមួយនឹងមេដាយ៣៥គ្រឿង ហើយម្ចាស់ផ្ទះឥណ្ឌូណេស៊ីឈរលេខ៤៕