៣ចំណុចនេះ សម្រាប់អ្នកចូលចិត្តញ៉ាំអាហារហើយ គេង បើធ្វើបាន ដឹងតែរាងស្អាត មិនធាត់ទេ
- 2018-08-23 01:00:00
- ចំនួនមតិ 0 | ចំនួនចែករំលែក 0
៣ចំណុចនេះ សម្រាប់អ្នកចូលចិត្តញ៉ាំអាហារហើយ គេង បើធ្វើបាន ដឹងតែរាងស្អាត មិនធាត់ទេ
ចន្លោះមិនឃើញ
មតិខ្លះបានលើកឡើងថា មុនពេលចូលគេង មិនត្រូវបរិភោគចំណីអាហារអ្វីទេ ព្រោះវាអាចធ្វើឲ្យធាត់ ខូចរាង មិនស្អាត ជាដើម។ ចំណុចនេះ បើតាមអ្នកក្រុមវេជ្ជបណ្ឌិតអន្តរជាតិ បានបញ្ជាក់ថា មិនដូច្នេះទាំងអស់ទេ។ មានន័យថា ប្រសិនបើយើងដឹងវិធីក្នុងការពិសាចំណីអាហារ មុនពេលគេង នោះនឹងមិនឈឺក្បាល រឿងឡើងទម្ងន់ទេ។
គន្លឹះ៣ចំណុចខាងក្រោម ដើម្បីអ្នកចង់បានរាងស្អាត បើទោះញ៉ាំអាហារ នៅមុនគេងក៏ដោយ។
១. ការគ្រប់គ្រងបរិមាណអាហារ
ជាការពិត នេះជារឿងត្រូវដឹង និងប្រុងប្រយ័ត្នមុនចង់បានរាងស្អាត ចំពោះអ្នកចូលចិត្តញ៉ាំមិនស្វាង ឬអាចហៅថា បើកភ្នែក បើកមាត់។ អ្នកអាចហូបអាហារមុនចូលគេងបាន ប៉ុន្តែគួរតែគ្រប់គ្រងបរិមាណឲ្យបានល្អ ដោយមិនគួរញ៉ាំច្រើនពេក តាមឃ្លាននោះឡើយ ព្រោះបើអ្នកហូបច្រើនពេក ក្រពះអ្នកមិនអាចកិនបានល្អឡើយ។
២. ញ៉ាំភ្លាម គេងភ្លាម
អ្នកគួរតែគ្រប់គ្រងម៉ោងឲ្យបានល្អ ជាពិសេសក្រោយញ៉ាំបាយថ្ងៃ ឬល្ងាចហើយ។ អ្នកមិនគួរញ៉ាំហើយភ្លាម ហើយរត់ទៅគេងភ្លាមនោះទេ ព្រោះអាចធ្វើឲ្យក្រពះអ្នកមិនអាចសម្រាកបានឡើយ។ ដូចនេះ អ្នកគួរតែបរិភោគហើយចំនួនមួយម៉ោង ទើបអាចចូលគេងបាន។
៣. ពេលវេលា នៃការញ៉ាំរួច
ក្រៅពីគ្រប់គ្រងបរិមាណ និងពេលវេលា នៃការញ៉ាំរួច អ្នកគួរតែជ្រើសរើសអាហារដែលមានផ្ទុកកាឡូរីទាប ស្ករទាប និងប្រូតេអ៊ីនខ្ពស់ ដើម្បីអាចរក្សាសុខភាពបានល្អ ព្រមទាំងអាចធ្វើឲ្យអ្នកមិនងាយឡើងទម្ងន់ឡើយ។ ដូចនេះ អ្នកគួរតែអនុវត្តតាមវិធីទាំងនេះ ដើម្បីរក្សារូបរាងរបស់អ្នក៕