ចប់ហើយ កើតជំងឺខ្លាចស្នេហា ចាំមើលវគ្គ ៥នេះប្រុសស្អាតយកឈ្នះចិត្តនាងបានអត់

2018-08-23 03:18:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បួនវគ្គមកហើយ ដែលទស្សនិកជនបានទស្សនារឿងកាមទេពស្នេហ៍ ដែលបានចាក់ផ្សាយនៅលើកញ្ចក់ទូរទស្សន៍ PNN។ វគ្គទីបួន ដែលកំពុងតែចាក់ផ្សាយនៅពេលនេះគឺរឿង «កាមទេពស្នេហ៍ វគ្គប្រជែងស្នេហ៍»បានខិតជិតមកដល់ភាគបញ្ចប់ហើយ ដោយឡែករឿង «កាមទេពស្នេហ៍ វគ្គរនាំងស្នេហ៍» និងត្រូវចូលខ្លួនជំនួស។

រឿង «កាមទេពស្នេហ៍ វគ្គរនាំងស្នេហ៍» ដែលនឹងត្រូវចាក់ផ្សាយនាពេលឆាប់ៗខាងមុខនេះមិនចាញ់វគ្គមុនៗឡើយ ដោយមានឈុតឆាកគួរឱ្យចាប់អារម្មណ៍ច្រើន បូករួមទាំងការសម្តែងរបស់តួអង្គនីមួយៗ។

រឿងមួយនេះសម្តែងដោយ Rittapinun សម្តែងជាតួ Nan ចាប់ដៃគូជាមួយ Mettarikanon សម្តែងជាតួ Art។

រឿង «កាមទេពស្នេហ៍ វគ្គរនាំងស្នេហ៍» បង្ហាញពីជីវិតរបស់ Nan ដែលមិនធ្លាប់មានសង្សារ ឬមិនដែលទុកចិត្តលើបុរសណាឡើយ ដោយសារតែយាយ និងម្តាយរបស់នាងតែងតែខ្លាចប្រុសៗធ្វើបាបចិត្តកូន និងចៅ សូម្បីតែការធ្វើដំណើរទៅធ្វើការក៏ត្រូវបានហាមឃាត់មិនឱ្យចេញទៅពីព្រលឹមពេកដែរ បើទោះបីជាផ្ទះនៅឆ្ងាយពីកន្លែងធ្វើការយ៉ាងណាក៏ដោយ។ ការព្រួយបារម្ភរបស់ពួកគាត់បានធ្វើអោយរាំងស្ទះដល់ការងារ និងបិះត្រូវបណ្តេញចេញពីធ្វើការទៀតផង។ មូលហេតុនេះហើយ ទើបថៅកែរបស់នាងបានឱ្យនាងទៅនៅខុនដូ របស់ខ្លួនជាមួយមិត្តភ័ក្តិពីរនាក់ផ្សេងទៀត ដែលនៅជិតក្រុមហ៊ុន។

ខណៈ Nan រើទៅនៅខុនដូ នាងបានជួបជាមួយបុរសម្នាក់ ដែលនៅបន្ទប់ជិតគ្នាគឺArt អ្នកទាំងពីរមិនសូវត្រូវគ្នាប៉ុន្មានទេ ដោយសារតែNanធ្លាប់ឃើញស្រីក្មេងជាច្រើនតែងតែចេញចូលបន្ទប់Artជាញឹកញាប់ ធ្វើឱ្យនាងគិតថាArt គឺជាព្រាននារី និងតែងតែប្រើលុយដើម្បីទាក់ទាញស្រីក្មេងទាំងនោះ។ ប៉ុន្តែថ្ងៃមួយក្រុមហ៊ុនរបស់Nan បានសម្រេចចិត្តទទួលយកកាងារពីប្អូនស្រីរបស់Art ដើម្បីស្វែងរកសង្សារឱ្យបងប្រុសខ្លួន ហើយអ្នកដែលត្រូវធ្វើជាសង្សាររបស់ArtនោះគឺNan។ តើអ្នកទាំងពីរអាចនឹងប្រឈមមុខជាមួយគ្នាដោយរបៀបណា? តើ Art ពិតជាព្រាននារីមែនទេ?

សូមកុំភ្លេចរង់ចាំតាមដានទស្សនារឿង «កាមទេពស្នេហ៍ វគ្គរនាំងស្នេហ៍» នៅលើកញ្ចក់ទូរទស្សន៍ភីអិនអិន ចាប់ពីថ្ងៃទី២៩ ខែសីហា ឆ្នាំ២០១៨ វេលាម៉ោង ៩:០០យប់ រៀងរាល់ថ្ងៃចន្ទ-ពុធ៕

ទស្សនាឈុតខ្លីសូមចុច៖

អត្ថបទ៖ ថា ម៉ាលីដា