មិនធម្មតាឡើយ! សិល្បករជំនាញស្មូត ភឿន ស្រីពៅ មានប្រវត្តិជោគជ័យធំតាំងអាយុ ១៧ឆ្នាំមកដល់បច្ចុប្បន្ន

2018-08-23 03:12:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្មីៗនេះ កញ្ញា ភឿន ស្រីពៅ ដែលមិនសូវមានអ្នកស្គាល់ក្នុងសង្គមសិល្បៈសម័យ ប៉ុន្តែពេញនិយមខ្លាំងក្នុងសិល្បៈជំនាញស្មូតនោះ បានបញ្ចេញប្រវត្តិខ្លី ដែលបង្ហាញថា នាងមានជីវិតពេញដោយផ្លែផ្កាតាំងពីអាយុ ១៧ឆ្នាំឯណោះ។

ផ្លែផ្កាទាំងនោះ មិនមែនដោយសារឥទ្ធិពលណាមួយពីគ្រួសារឡើ ត្បិតនាងត្រឹមជាកូនអ្នកស្រែចំការប៉ុណ្ណោះ។ "ប្រវត្តិរូបសង្ខេបនៃនាងខ្ញុំ មិនមែនអួតទេ តែជាការលើកទឹកចិត្តដល់កូនអ្នកស្រែចំការគ្នាយើង អោយខំប្រឹងប្រែងរៀនសូត្រ"។ ស្រីពៅថ្លែង។

ខាងក្រោម គឺជាប្រវត្តិខ្លីរបស់កញ្ញា ភឿន ស្រីពៅ ដែលបង្ហាញពីសមិទ្ធផលសំខាន់ៗ ១០ ចំណុច ដែលនាងសម្រេចបានតាំងពីអាយុ ១៧ឆ្នាំមកដល់បច្ចុប្បន្ន៖

១. កើតក្នុងត្រកូលកសិករ ក្នុងស្រុកគងពិសី ខេត្តកំពង់ស្ពឺ ២.បានរៀននៅសាលាបឋមសិក្សាជ្រៃហូរព្នៅ អនុវិទ្យាល័យសុវណ្ណគិរី វិទ្យាល័យនរោត្តមរាណឫទ្ធិ(ហៅជង្រុក) ប្តូរមកវិទ្យាល័យព្រះស៊ីសុវត្ថិក្នុងឆ្នាំ២០០៧ និងបន្តថ្នាក់ឧត្តមសិក្សានៅសកលវិទ្យាល័យបញ្ញាសាស្រ្តកម្ពុជា។

៣. ជាប់អាហារូបករណ៍ពិសេសសិស្សឆ្នើម Full Special scholarship from Cambodian Living Arts Support by American people នៅអាយុ១៧ឆ្នាំ ៤. ជិះយន្តហោះលើកដំបូងទៅកាន់សហរដ្ឋអាមេរិកនៅអាយុ១៨ឆ្នាំ ៥.មានរថយន្តផ្ទាល់ខ្លួននៅអាយុ ១៩ឆ្នាំ ៦. ក្លាយជាម្ចាស់អាជីវកម្មនៅអាយុ ២៣ឆ្នាំ ៧.មានអចលនទ្រព្យ ដីស្រែ ចំការ គេហដ្ឋានផ្ទាល់ខ្លួន និងទីលំនៅពិតប្រាកដនៅរាជធានីភ្នំពេញមុនពេលរៀបការ។

៨.ដំណើរទៅកាន់បរទេសចំនួន ១៩លើក ក្នុងនោះមានUSA ៩លើក Australia ២លើក និងប្រទេសដទៃផ្សេងទៀត។ ៩. គម្រោងរៀបអាពាហ៍ពិពាហ៍មុនអាយុ៣០ គឺចុងឆ្នាំ២០១៨នេះ "សរុបមកខ្ញុំជាមនុស្សជឿជាក់លើចំណេះជំនាញ សមត្ថភាព និងឱកាស។ ខ្ញុំមានក្តីស្រមៃពិតប្រាកដ មានគោលដៅច្បាស់លាស់ មានការប្រត្តិបត្តិត្រឹមត្រូវ ជាមួយការងារសុចរឹត ដោយកិត្តិយស។ រស់នៅស្អាត ហូបមានអនាម័យ ស្រលាញ់សុខសុភមង្គល សុខសន្តិភាព និងមានក្តីសង្ឃឹមជានិច្ច"។ ភឿន ស្រីពៅ បន្ថែម៕