មោទនភាពឃើញ Jessa Khan រំភើបស្រក់ទឹកភ្នែកពេលបានមេដាយមាសជូនកម្ពុជា
- 2018-08-24 23:22:00
- ចំនួនមតិ 0 | ចំនួនចែករំលែក 0
មោទនភាពឃើញ Jessa Khan រំភើបស្រក់ទឹកភ្នែកពេលបានមេដាយមាសជូនកម្ពុជា
ចន្លោះមិនឃើញ
កីឡាការិនីជម្រើសជាតិកម្ពុជា Jessa Khan អួលដើមក ស្រក់ទឹកភ្នែកនិយាយស្ទើរមិនចេញនៅពេលនាងឈ្នះមេដាយមាសជូនជាតិកម្ពុជាពីព្រឹត្តិការណ៍កីឡាទ្វីបអាស៊ី លើកទី១៨ ឆ្នាំ២០១៨នៅប្រទេសឥណ្ឌូណេស៊ីកាលពីម្សិលមិញ។
កីឡាការិនីអាយុ១៦ឆ្នាំ Jessa Khan ដែលកាន់ទង់ជាតិកម្ពុជាបានប្រាប់គណៈកម្មាធិការជាតិអូឡាំពិកកម្ពុជាក្រោយពេលឈ្នះមេដាយមាសថា មេដាយមាសនេះពិតជាមានន័យណាស់សម្រាប់ជីវិតនាង។ កញ្ញាពិតជារំភើបរីករាយយ៉ាងខ្លាំងដែលសម្រេចបានលទ្ធផលនេះ ហើយចង់បញ្ជាក់ថា ស្ត្រីកម្ពុជាក៏អាចធ្វើបានល្អដូចបុរសដែរ។ អ្វីដែលពិសេសនោះគឺបង្ហាញប្រទេសកម្ពុជាឲ្យពិភពលោកបានឃើញ។
ទស្សនាវីដេអូ Jessa Khan បង្ហាញអារម្មណ៍
មុនឈានដល់ដណ្តើមមេដាយមាសនេះ កីឡាការិនីដែលមានឪពុកជាខ្មែរ និងម្តាយជាម៉ិកស៊ីកូ និងមានសញ្ជាតិអាមេរិកបានប្រកួតឈ្នះកីឡាការិនីថៃ Boonsorn Suwanan ដោយពិន្ទុ ១០០-០ នៅវគ្គ៣១នាក់ និងបានឡើងវគ្គ៨នាក់ចុងក្រោយ បន្ទាប់ពីកីឡាការិនីចិន La Yi Wen បោះបង់ចោលការប្រកួតវគ្គ១៦នាក់។ នៅវគ្គ៨នាក់ កញ្ញាបានយកឈ្នះកីឡាការិនីអ៊ីរ៉ង់ Pirhady Nahid ដើម្បីឡើងទៅវគ្គខ្វែងដែលវគ្គនេះបានផ្តួលកីឡាការិនីហ្វីលីពីន Napolis Jenna Kaila ដើម្បីឡើងវគ្គផ្តាច់ព្រ័ត្រ។
នៅវគ្គផ្តាច់ព្រ័ត្រយកមេដាយមាស Jessa Khan បានផ្តួលកីឡាការិនីអារ៉ាប់រួម Alhinaai Mahra ដែលបានមេដាយប្រាក់តាមរយៈឃ្លេឲ្យគោះដៃចុះចាញ់ដើម្បីឈ្នះដោយពិន្ទុ ១០០-០។ កីឡាការិនីវៀតណាម Thi Thanh Minh បានមេដាយសំរឹទ្ធ ក្រោយឈ្នះកីឡាការិនីlអារ៉ាប់រួម Alyafei Wedima និងកីឡាការិនីហ្វីលីពីន Ochoa Margrita បានមេដាយសំរឹទ្ធស្ទួនក្រោយឈ្នះមិត្តរួមជាតិ Napolis Jenna Kaila៕