កាន់តែកៀកថ្ងៃចេញ iPhone 9 និង iPhone X Plus គេឃើញរាងរៅដូចព័ត៌មានបែកធ្លាយ(វីដេអូ)
- 2018-08-25 04:20:00
- ចំនួនមតិ 0 | ចំនួនចែករំលែក 0
កាន់តែកៀកថ្ងៃចេញ iPhone 9 និង iPhone X Plus គេឃើញរាងរៅដូចព័ត៌មានបែកធ្លាយ(វីដេអូ)
ចន្លោះមិនឃើញ
យោងតាមប្រភពព័ត៌មានបានឲ្យដឹងថា iPhone ជំនាន់ថ្មីនឹងប្រកាសចេញនាថ្ងៃទី ១២ ខែកញ្ញាខាងមុខនេះ។ យ៉ាងណាមិញ មានអ្នកបានចាប់កាន់វានៅនឹងដៃរួចបាត់ហើយ ដែលត្រូវបានគេសន្និដ្ឋានថាជា iPhone 9និង iPhone X Plus ដែលមានកាមេរ៉ាខាងក្រោយបីគ្រាប់។
នៅក្នុងវីដេអូទី ១ ដែលមានរយៈត្រឹម ១០ វីនាទីបានបង្ហាញឲ្យឃើញថា iPhone ថ្មីមានអេក្រង់ធំជាង iPhone X មានសា្នមឆកខាងលើដដែល ប៉ុន្តែកាមេរ៉ាខាងមុខឡើងដល់ ៤ គ្រាប់ ឯកាមេរ៉ាក្រោយឡើងដល់ ៣ គ្រាប់ រួមទាំងអាចចុចប៉ះកម្មវិធីឆៅៗទៀតផង។
វីដេអូទី ២ គណនី EverythingApplePro បានយក iPhone ថ្មីចំនួន ២ មកប្រៀបធៀបជាមួយ iPhone X និយាយពីទំហំអេក្រង់ និងទីតាំងកាមេរ៉ាដែលមានសណ្ឋានមិនសូវជាខុសគ្នាប៉ុន្មាននោះទេ។
យ៉ាងណាក្តី បើសរុបព័ត៌មានបែកធ្លាយកន្លងមក Apple គ្រោងនឹងបញ្ចេញ iPhone ៣ ម៉ូឌែលមានអេក្រង់លើសពី ៦,៥ អ៊ីញ ឯកាមេរ៉ាខាងមុខអាចលោតដល់ ៤ គ្រាប់ឯកាមេរ៉ាក្រោយឡើងដល់ ៣ គ្រាប់ អាចនឹងប្រើបន្ទះឈីប A12 អាចនឹងមានស៊ីម ២ ល្បឿនអ៊ីនធើណិតលឿនជាងមុន(អាចនឹងមកជាមួយអង់តែនគាំទ្រស្តង់ដារ 4x4 MIMI អនុញ្ញាតឲ្យបង្កើនល្បឿនផ្ទេរដល់ជីហ្គាប៊ីត LTE ធៀបនឹងឆ្នាំចាស់ទប់បានត្រឹម 2x2 MIMO)។ Apple អាចនឹងថែមដុំសាកថ្មីកម្លាំង ១៨ វ៉ាត់ លើដុំសាកចាស់កម្លាំងតូចត្រឹម ៥ វ៉ាត់ និងអាចបន្ថែម RAM ឡើងដល់ 4GB។
ដូចនេះ ដើម្បីផ្ទៀងផ្ទាត់ព័ត៌មានបែកធ្លាយទាំងនេះ ប្រិយមិត្តរង់ចាំមើលនៅថ្ងៃ ១២ ខាងមុខនេះ៕