ថៅកែធំក្រុមហ៊ុនបច្ចេកវិទ្យាកំពូលៗ មួយឆ្នាំជះលុយលើថ្លៃការពារសុវត្ថិភាពអស់ប៉ុន្មាន?

2018-08-27 14:17:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាស្ថាបនិកនិងនាយកប្រតិបត្តិនៃក្រុមហ៊ុនបច្ចេកវិទ្យាកំពូលក្នុងលោក បុគ្គលជោគជ័យជាច្រើនរមែងទទួលកិច្ចការពារសុវត្ថិភាពខ្ពស់ជាចម្បង។ ថ្វីបើលោក Jeff Bezos ជាសេដ្ឋីមានទ្រព្យច្រើនជាងគេបង្អស់ ប៉ុន្តែនិយាយដល់ថ្លៃចំណាយលើសេវាការពារសុវត្ថិភាពបុគ្គល បុរសវ័យ ៥៤ ឆ្នាំរូបនេះត្រូវការចំណាយអស់តិចជាងលោក Mark Zuckerberg ទៅវិញទេ។

ខាងក្រោមបង្ហាញពីតួលេខនៃថ្លៃចំណាយដែលក្រុមហ៊ុនបច្ចេកវិទ្យាកំពូលទាំង ៨ រៀបចំសម្រាប់នាយកប្រតិបត្តិឬអ្នកមានតំណែងខ្ពស់ប្រចាំស្ថាប័នខ្លួន។

១.នាយកប្រតិបត្តិ Facebook លោក Mark Zuckerberg:

ស្ថាបនិក Facebook រូបនេះ ទទួលការចំណាយពីក្រុមហ៊ុនប្រមាណ ៨,៩ លានដុល្លារនាឆ្នាំ ២០១៧ កើនឡើង ៥៣ ភាគរយធៀបនឹងឆ្នាំចាស់ ២០១៦។ ក្នុងនោះមាន ៧,៣ លានដុល្លារសម្រាប់សុវត្ថិភាពបុគ្គល និង ១,៥ លានដុល្លារប្រើប្រាស់លើយន្តហោះឯកជន។

២.អ្នកស្រី Sheryl Sandberg តំណែង COO នៅ Facebook:

តំណែងខ្ពស់បន្ទាប់ពីលោក Zuckerberg ស្រ្តីមានវ័យ ៤៨ ឆ្នាំរូបនេះ កាលពីឆ្នាំទៅក៏ទទួលការចំណាយអស់ ២,៧ លានដុល្លារលើថ្លៃការពារសុវត្ថិភាព ជាតួលេខកើនឡើងទ្វេដងធៀបនឹងឆ្នាំ ២០១៥។

៣.នាយកប្រតិបត្តិ Amazon លោក Jeff Bezos:

ស្ថាបនិកនិងនាយកប្រតិបត្តិនៃក្រុមហ៊ុនលក់ទំនិញ Amazon បច្ចុប្បន្នជាបុគ្គលមានទ្រព្យសម្បត្តិច្រើនជាងគេក្នុងប្រវត្តិសាស្ត្រដល់ទៅ ១៥០ ពាន់លានដុល្លារ។ ប៉ុន្តែថ្លៃចំណាយលើការការពារសុវត្ថិភាពហាក់នៅទាប ដោយតាំងពីឆ្នាំ ២០១០ លោកចំណាយប្រចាំឆ្នាំអស់ត្រឹម ១,៦ លានដុល្លារប៉ុណ្ណោះ ទាក់ទងនឹងការសុវត្ថិភាពនៃការធ្វើជំនួញនិងការធ្វើដំណើរ។

៤.ស្ថាបនិក Oracle លោក Larry Ellison:

លាលែងពីតំណែង CEO កាលពីឆ្នាំ ២០១៤ ស្ថាបនិកនៃក្រុមហ៊ុនផលិតកម្មវិធីកុំព្យូទ័រមួយនេះ ក៏ទទួលបានការចំណាយក្បែរ ១,៥ លានដុល្លារប្រចាំឆ្នាំ។ ស្របពេលនាយកប្រតិបត្តិផ្ទាល់លោក Mark Hurd ចាយអស់ត្រឹម ១០៣ ៥៥០ ដុល្លារប៉ុណ្ណោះ។

៥.នាយកប្រតិបត្តិ (co-CEO) ក្រុមហ៊ុន Salesforce លោក Marc Benioff:

សេដ្ឋីប្រាក់ពាន់លានរូបនេះ កាលពីឆ្នាំ ២០១៧ ក៏ទទួលបានថ្លៃចំណាយ ១,៣ លានដុល្លារ ទាំងអំឡុងម៉ោងធ្វើការនិងការធ្វើដំណើរការនៃមុខជំនួញ ធ្លាក់ចុះទាបជាងឆ្នាំ ២០១៦ បានដល់ ១,៤៥ លានដុល្លារ។

៦.នាយកប្រតិបត្តិ Google លោក Sundar Pichai:

សម្រាប់ Pichai ក្រុមហ៊ុនមេ Alphabet បានចំណាយអស់ ៦៨៣ ៥៥៧ ដុល្លារកាលពីឆ្នាំ ២០១៧ ទាំងថ្លៃការពារសុវត្ថិភាពនិងយន្តហោះផ្ទាល់ខ្លួន។

៧.នាយកប្រតិបត្តិ Apple លោក Tim Cook:

CEO រូបនេះទើបតែទទួលបានប្រាក់រង្វាន់លើកទឹកចិត្ត ១២០ លានដុល្លារពី Apple ប៉ុន្តែ Cook ក៏ត្រូវបានក្រុមហ៊ុនយក្សអាមេរិកចំណាយ ២២៤ ២១៦ ដុល្លារកាលពីឆ្នាំទៅ និង ៩៣ ១០៩ ដុល្លារផ្សេងទៀតលើថ្លៃធ្វើដំណើរ។

៨.ស្ថាបនិក Qualcomm លោក Paul Jacobs: