គាប់ជួនម្ល៉េះ! Messi និង Neymar ជាប់កំណត់ត្រាមិនល្អដូចគ្នា ក្នុងប្រកួតកាលពីចុងសប្ដាហ៍
- 2018-08-27 13:19:02
- ចំនួនមតិ 0 | ចំនួនចែករំលែក 0
គាប់ជួនម្ល៉េះ! Messi និង Neymar ជាប់កំណត់ត្រាមិនល្អដូចគ្នា ក្នុងប្រកួតកាលពីចុងសប្ដាហ៍
ចន្លោះមិនឃើញ
ខ្សែប្រយុទ្ធ Lionel Messi និង Neymar បានជាប់កំណត់ត្រាមិនល្អមួយក្នុងប្រកួតកាលពីចុងសប្ដាហ៍កន្លងទៅ។
បើតាម OptaJoseក្នុងប្រកួតប៉ះជាមួយ Real Valladolid កាលពីថ្ងៃអាទិត្យ ខ្សែប្រយុទ្ធ Lionel Messi បានធ្វើឲ្យរបូតបាល់ដល់ទៅ ២៧ លើក។ ទិន្នន័យនេះ ធ្វើឲ្យ Messi គឺជាកីឡាករដែលរបូតបាល់ច្រើនបំផុតក្នុង La Liga ប្រកួតសប្ដាហ៍ទី ២។ ទោះជាយ៉ាងណា ស្ថានភាពវាលស្មៅមិនល្អ ត្រូវបានមជ្ឈដ្ឋានជាច្រើនលើកឡើងថា ជាមូលហេតុចម្បងមួយនេះ ដែលកីឡាករអាហ្សង់ទីនធ្វើឲ្យរបូតការគ្រប់គ្រងបាល់ច្រើនដល់ថ្នាក់នេះ។
ដោយឡែកនៅបារាំងវិញ អតីតមិត្តរួមក្រុម Messi ខ្សែប្រយុទ្ធ Neymar ក៏របូតបាល់មិនតិចដងដែរ។ នេះបើយោងតាមប្រភពដដែល។ ទោះជាស៊ុតចូលបាន ១ គ្រាប់ ក្នុងប្រកួតដែល PSG ឈ្នះ ៣-១ លើ Angers កីឡាករប្រេស៊ីលបានធ្វើឲ្យបាត់ការគ្រប់គ្រងបាល់ដល់ទៅ ៣៤ ដង។ តួលេខ ធ្វើឲ្យ Neymar កាលពីចុងសប្ដាហ៍ បានរបូតបាល់ច្រើនជាងកីឡាករណាៗទាំងអស់ ក្នុងលីគអឺរ៉ុបធំៗទាំង ៥៕