សម័យនេះបោកគក់ ក៏តាមអនឡាញដែរ
- 2018-08-29 00:03:00
- ចំនួនមតិ 0 | ចំនួនចែករំលែក 0
សម័យនេះបោកគក់ ក៏តាមអនឡាញដែរ
ចន្លោះមិនឃើញ
បច្ចេកវិទ្យាបច្ចុប្បន្ននេះត្រូវបានប្រើប្រាស់ លើសពីការកម្សាន្ត។ មានអាជីវកម្មមួយចំនួន បានផ្លាស់ប្ដូររបៀបធ្វើជំនួញមកប្រើប្រាស់ប្រព័ន្ធបច្ចេកវិទ្យា ដើម្បីអភិវឌ្ឍលើមុខរបររបស់ខ្លួន។ មានតាំងពីការផ្សព្វផ្សាយលក់ផលិតផល របស់របរហូបចុកផ្សេងៗ រហូតដល់សេវាហៅតាក់ស៊ីតាមអនឡាញ។ ឥលូវនេះសូម្បីតែសេវាបោកគក់ ក៏ប្រើប្រាស់តាមអនឡាញដែរ។
លោកស៊ាង រតនា ម្ចាស់ហាងបោកគក់ Richerway Laundry ម្តុំផ្សារច្បារអំពៅប្រាប់ថា លោកទើបតែបានអភិវឌ្ឍកម្មវិធីមួួយ ជួយអ្នកមិនមានពេលវេលាឬរវល់ការងារដកឃ្លាមិនរួច អាចស្វែងរកសេវាបោកគក់បានទាន់ចិត្ត ដោយគ្រាន់តែដោនឡូតកម្មវិធីបោកគក់លើទូរសព្ទ។
កម្មវិធីនេះក្រៅពីផ្តល់សេវាបោកគក់មានភាពងាយស្រួល អ្នកប្រើប្រាស់អាចជ្រើសរើសសេវាបោកគក់តាមការចង់បានផ្សេងៗ ហើយមានសេវាដឹកជញ្ជូនដល់ផ្ទះទៀតផង។
តាមម្ចាស់ហាងបោកគក់ទើបបើកថ្មីនេះប្រាប់ថា កម្មវិធីបោកគក់តាមអនឡាននេះ កំពុងស្ថិតនៅក្នុងដំណាក់កាលអភិវឌ្ឍនៅឡើយ មិនទាន់ដាក់ឲ្យប្រើប្រាស់ជាផ្លូវការទេ ប៉ុន្តែអាចរួចរាល់មួយខែឬពីរខែទៀត៕