Hacker ម្នាក់ទៀតត្រូវជាប់គុក រឿង Hack ចូលសេវា iCloud នៅឆ្នាំ ២០១៤

2018-08-30 02:49:26
ចំនួនមតិ 0 | ចំនួនចែករំលែក 0

ចន្លោះមិនឃើញ

Hacker មួយរូបទៀតដែលជាប់ទាក់ទងនឹងករណី Hack សេវា iCloud នៅឆ្នាំ ២០១៤ និងបានចូលយករូបភាពពីគណនី iCloud តារាហូលីវូដល្បីៗជាច្រើននោះ ត្រូវបានកាត់ក្ដីឲ្យជាប់ពន្ធធនាគាររយៈពេល ៨ ខែ។

Hacker រូបនេះមានឈ្មោះថា George Garofano ដែលរកឃើញថាមានទោសនៅខែមេសាកន្លងទៅ និងបានសារភាពថាខ្លួនពិតជាបានផ្ញើអ៊ីមែលក្លែងក្លាយទៅកាន់ជនរងគ្រោះ ដោយក្លែងបន្លំថាជាភ្នាក់ងារសន្តិសុខរបស់ Apple ដើម្បីប្រមូលយកព័ត៌មាន Login។ ពេលបានព័ត៌មាន Login ហើយ គេអាចចូលទៅកាន់គណនី iCloud ជាច្រើនបាន ហើយបានចូលយករូបភាពផ្ទាល់ខ្លួនរបស់តារាល្បីៗជាច្រើនរូបទៀតផង។

Jennifer Lawrence ជាជនរងគ្រោះមួយរូប

Garofano ត្រូវបានកាត់ទោសថា Hack ចូលគណនី iCloud សរុបចំនួន ២៤០ គណនី ដែលមានរួមគណនីតារាហូលីវូដ និងអ្នកប្រើប្រាស់ទូទៅ។ Garofano បានរួមដៃជាមួយ Hacker បីរូបផ្សេងទៀត ដែលបីរូបនោះ សុទ្ធតែត្រូវបានកាត់ទោសឲ្យជាប់ពន្ធធនាគារចន្លោះពី ៩ ទៅ ១៨ ខែ។ Garofano គឺជា Hacker ចុងក្រោយដែលបានកាត់ទោសក្នុងករណី Hack នេះ៕

ប្រភព៖ 9to5Mac ប្រែសម្រួល៖ សុខហេង