Angelina Jolie បណ្ដើរកូនប្រុសសញ្ជាតិវៀតណាមដើរធ្វើមិនដឹង ក្រោយជម្លោះរឿងក្ដី

2018-08-30 07:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមកដល់រដ្ឋ Los Angeles ដើម្បីចាត់ចែងបញ្ហារឿងក្ដីជាមួយអតីតស្វាមី Brad Pitt គេសង្កេតឃើញថា Angelina បណ្ដើរកូនប្រុសសញ្ជាតិវៀតណាម Pax Thien វ័យ ១៤ឆ្នាំដើរលេងធ្វើមិនដឹង។ បើសិនជាសង្កេតមើលរូបថត ថតបានដោយអ្នកប្រមាញ់ថតរូប Angelina មើលទៅដូចជាគ្មានអារម្មណ៍ព្រួយបារម្ភអ្វីទេ មើលទៅដូចដើរលំហែធម្មតា។

តាមរយៈរូបថតដែលថតបាន ២នាក់ម្ដាយកូនសុទ្ធតែស្លៀកពាក់យ៉ាងទាន់សម័យ ដែល Angelina បង្ហាញខ្លួនជាមួយវ៉ែនតាការពារកម្ដៅថ្ងៃនិងឈុតពណ៌សាច់យ៉ាងស្រស់ស្អាត ចំណែកឯ Pax វិញតុបតែងខ្លួនយ៉ាងហំមើលទៅដូចជាសុភាពបុរស។

គូសបញ្ជាក់ដែរថា Pax បានត្រូវ Angelina និងអតីតស្វាមី Brad Pitt យកមកចិញ្ចឹមកាលពីឆ្នាំ ២០០៣ ពីប្រទេសវៀតណាម។ ទោះជាយ៉ាងណាក៏ដោយ ជម្លោះផ្សេងៗជុំវិញសិទ្ធិចិញ្ចឹមកូនរបស់ Angie និង Brad Pitt ធ្វើឲ្យកូនៗគ្រប់ៗគ្នាជាពិសេស Pax និង Maddox ពិបាកចិត្តយ៉ាងខ្លាំង ដោយពួកគេធុញទ្រាន់នឹងបញ្ហាអស់ទាំងនេះដែលកើតឡើងញឹកញាប់ពេក៕

ប្រភព៖ Zing ប្រែសម្រួល៖ ធារ៉ូ