ផ្សាររាត្រីថៃល្បីឈ្មោះមួយនៅបាងកក នឹងបិទទ្វារហូត ក្នុងពេល២សប្តាហ៍ទៀត
- 2018-08-31 07:40:34
- ចំនួនមតិ 0 | ចំនួនចែករំលែក 0
ផ្សាររាត្រីថៃល្បីឈ្មោះមួយនៅបាងកក នឹងបិទទ្វារហូត ក្នុងពេល២សប្តាហ៍ទៀត
ចន្លោះមិនឃើញ
រយៈពេល ៤ឆ្នាំបន្ទាប់ពីផ្សាររាត្រី Chatuchak Green Night Market ឬ JJ Green Night Market បានបើកដំណើរការ និងក្លាយជាកន្លែងដ៏ពេញនិយមបំផុតមួយ អភិបាលក្រុងបាងកក លោក Aswin Kwanmuang បាននិយាយប្រាប់នាថ្ងៃសុក្រនេះថា គ្រប់តូបទាំងអស់នឹងត្រូវរើចេញពីទីនោះ នៅថ្ងៃទី១២ ខែកញ្ញា ឆ្នាំ២០១៨ ដែលជាថ្ងៃបញ្ចប់នៃកុងត្រាជួលរបស់ផ្សារ។
ថ្ងៃកំណត់នេះត្រូវបានពន្យាររយៈពេលជិត ២សប្តាហ៍ ដោយដំបូងឡើយវាត្រូវកំណត់យកត្រឹមថ្ងៃសុក្រ ទី៣១ ខែសីហា ឆ្នាំ២០១៨ នេះប៉ុណ្ណោះ។ ដីនៃផ្សាររាត្រីនោះ គឺជាកម្មសិទ្ធិរបស់ផ្លូវដែករដ្ឋនៃប្រទេសថៃ។
គួរបញ្ជាក់ឲ្យដឹងថា ដីទំហំ ៣,១ ហិតានោះនឹងត្រូវប្រគល់ជូន Queen Sirikit Park Foundation ដើម្បីសាងសង់សួនដ៏ធំចំនួន ៣ ចូលគ្នា គឺ សួន Wachirabenchathat Park (Suan Rodfai), សួន Queen Sirikit Park និងសួន Chatuchak Park ដែលមានទំហំសរុប ១១៦ ហិតា។
JJ Green Night Market គឺជាផ្សាររាត្រីដ៏ពេញនិយមមួយនៅក្នុងទីក្រុងបាងកក ដែលបើកដំណើរការនៅរាល់រាត្រីថ្ងៃសុក្រ និងសៅរ៍ ដោយមានតូបលក់ឥវ៉ាន់រាប់រយតូប លក់របស់របរប្រើប្រាស់ , សំលៀកបំពាក់មួយទឹក , អាហារ និងបារជាដើម៕
ចុចអាន៖