មើលការចាប់ពូលនៅ Europa League តើ Arsenal និង Chelsea នៅជាមួយក្លឹបណាខ្លះ?
- 2018-09-01 02:12:11
- ចំនួនមតិ 0 | ចំនួនចែករំលែក 0
មើលការចាប់ពូលនៅ Europa League តើ Arsenal និង Chelsea នៅជាមួយក្លឹបណាខ្លះ?
ចន្លោះមិនឃើញ
ពានរង្វាន់ធំលំដាប់ទី២សម្រាប់ក្លឹបអាជីពនៅតំបន់អឺរ៉ុប Europa League បានចាប់ឆ្នោតបែងចែកពូលហើយ កាលពីយប់មិញ ដោយ Arsenal ស្ថិតនៅពូល E និង Chelsea នៅពូល L។
មកដល់ជុំចុងក្រោយនេះក្លឹបមកពីអង់គ្លេសនៅសល់តែពីរគត់គឺ Arsenal និង Chelsea នេះឯង ព្រោះពួកគេមានកៅអីស្វ័យប្រវត្តិ។ ឯ Burnley ជម្រុះធ្លាក់នៅជុំទី៣បាត់ទៅហើយ។ សម្រាប់នៅពូល E ក្រុមលោក Unai Emery ត្រូវជួបជាមួយក្រុម Sporting (ព័រទុយហ្គាល់), Qarabag (Azerbaijan), Vorskla (អ៊ុយក្រែន)។
ចំពោះ Chelsea វិញ ដែលជាម្ចាស់ជើងឯក Europa League រដូវកាល២០១២-១៣ នៅពូល L ជាមួយក្រុម PAOK Salonik (ក្រិក), BATE Borisov (បេឡារុស្ស), Vidi (ហុងគ្រី)។ Europa League រដូវកាល២០១៨-១៩ នឹងចាប់ផ្ដើមនៅថ្ងៃទី ២០ ខែ កញ្ញានេះ ហើយប្រកួតផ្ដាច់ព្រ័ត្រនៅថ្ងៃទី ២០ ខែ ឧសភា ឆ្នាំ ២០១៩៕