Jose ថា ទោះមិនឈ្នះ PL ជាមួយ Man Utd លោកនៅតែជាអ្នកចាត់ការអស្ចារ្យម្នាក់ក្នុងលោក
- 2018-09-01 03:43:48
- ចំនួនមតិ 0 | ចំនួនចែករំលែក 0
Jose ថា ទោះមិនឈ្នះ PL ជាមួយ Man Utd លោកនៅតែជាអ្នកចាត់ការអស្ចារ្យម្នាក់ក្នុងលោក
ចន្លោះមិនឃើញ
អ្នកចាត់ការរបស់ Manchester United លោក Jose Mourinho បាននិយាយថា លោកនៅតែជាអ្នកចាត់ការល្អជាងគេម្នាក់ក្នុងពិភពលោក ទោះបីលោកមិនឈ្នះពាន Premier League ជាមួយក្លឹបក្ដី។
ក្រោមការដឹកនាំរបស់ Jose ក្លឹបបិសាចក្រហមបានបរាជ័យ២ប្រកួត ក្នុងចំណោម៣ប្រកួតដំបូងនៃលីគ ដែលជាការចាប់ផ្ដើមអាក្រក់បំផុតគិតចាំតាំងពីឆ្នាំរដូវកាល១៩៩២-៩៣។ និយាយការពារកំណត់ត្រារបស់ខ្លួន Mourinho បានរំឭកគ្រប់គ្នាថា លោកគឺជាអ្នកចាត់ការម្នាក់គត់ដែលធ្លាប់ឈ្នះពាននៅអ៊ីតាលី អេស្ប៉ាញនិងអង់គ្លេស។
“ខ្ញុំគឺជាអ្នកចាត់ការនៃក្លឹបដ៏អស្ចារ្យជាងគេមួយក្នុងពិភពលោក (Man Utd) ប៉ុន្តែខ្ញុំនៅតែជាអ្នកចាត់ការល្អជាងគេម្នាក់ក្នុងពិភពលោកដូចគ្នា”។ សម្ដី Mourinho។ សាកសូរតើលោកនៅតែជាអ្នកអ្នកចាត់ការល្អជាងគេម្នាក់ទៀតទេ ប្រសិនមិនឈ្នះពានលីគជាមួយ United? បុរសសញ្ជាតិព័រទុយហ្គាល់តបថា៖ ប្រាកដណាស់។
Premier League សប្ដាហ៍ទី៤នេះ Manchester United នឹងត្រូវហោះទៅជួប Burnley នៅថ្ងៃអាទិត្យ ចាំមើល Mourinho បន្តបរាជ័យឬស្ដារមុខមាត់បានវិញ៕