ដើម្បីបង្ហើយការថតកុនថ្មីលោក ហ៊ុយ យ៉ាឡេង សម្រកទម្ងន់អស់ ១៧គីឡូ រហូតសន្លប់ចូលពេទ្យ
- 2018-09-02 04:17:16
- ចំនួនមតិ 0 | ចំនួនចែករំលែក 0
ដើម្បីបង្ហើយការថតកុនថ្មីលោក ហ៊ុយ យ៉ាឡេង សម្រកទម្ងន់អស់ ១៧គីឡូ រហូតសន្លប់ចូលពេទ្យ
ចន្លោះមិនឃើញ
ទីបំផុត លោក ហ៊ុយ យ៉ាឡេង បានបញ្ចប់ការថតភាពយន្តថ្មីរឿង «ទារុណកម្មខ្មោច» ដោយជោគជ័យ នៅថ្ងៃទី០២ ខែ កញ្ញា នេះដោយស្រកទម្ងន់អស់ ១៧ គីឡូ ហើយសន្លប់ចូលពេទ្យបន្ទាប់ពីការថតត្រូវបានបញ្ចប់។ បច្ចុប្បន្ន លោកកំពុងសម្រាកព្យាបាលក្នុងមន្ទីរពេទ្យ។
បើតាមលោក ហ៊ុយ យ៉ាឡេង ផលិតករភាពយន្តរូបនេះបញ្ជាក់ថា ការថតភាពយន្តថ្មីនេះ ពិតជាពិបាកហួសស្មាន។ រូបលោកស្ទើរតែចង់បោះបង់ម្តងម្កាល តែដោយចិត្តមានះ និងគោលបំណងចង់ឱ្យភាពយន្តនេះមានវត្តមាន រូបលោកហ៊ានពលី មិនខ្លាចខូចសុខភាព។
ជាក់ស្តែងក្រៅពីលោក ប្រហែលគ្មានតួណាហ៊ានសម្ដែងបែបនេះទេ ទើបលោកត្រូវហ៊ានសម្ដែងរឿងនេះដោយខ្លួនឯងផ្ទាល់។ ការតស៊ូអំណត់ អត់បាយ សម្រកទម្ងន់នេះ ជាឆន្ទៈដ៏អស្ចារ្យរបស់ លោក ហ៊ុយ យ៉ាឡេង ហើយម្តងនេះសង្ឃឹមថាគុណភាពភាពយន្តថ្មីរបស់ខ្លួននឹងអាចទាក់ទាញចិត្តប្រជាជនខ្មែរឱ្យពេញចិត្ត និងគាំទ្រ។
ក្រៅពីជោគជ័យ លើការថតភាពយន្តថ្មី សិល្បករ ដឹកនាំផង សម្តែងផងរូបនេះ បានទទួលដំណឹងល្អទាំងព្រម ដូចជាបានជាប់ Visa យកកុនទៅបញ្ចាំងនៅមហោស្រពខ្លែង ក្នុងប្រទេសបារាំង និង Visa យកកុនទៅបញ្ចាំងនៅមហោស្រពភាពយន្តក្នុងសហរដ្ឋអាមេរិក៕
រូបភាព៖ ហ៊ុយ យ៉ាឡេង