Somi ខំផ្ដាំឪពុកឲ្យជួយមើលថែ Lisa ឲ្យបានដិតដល់បំផុតពេលថតកម្មវិធី Real Men

2018-09-03 02:17:11
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមានចូលរួមក្នុងកម្មវិធី "Real Men” របស់ Lisa ក្រុម BLACKPINK ពិតជាបង្កឲ្យអ្នកគាំទ្រមួយចំនួនព្រួយបារម្ភពីសុខភាពរបស់នាងណាស់ ស្របពេលកម្មវិធីនេះអ្នកដែលត្រូវចូលរួមត្រូវហ្វឹកហាត់ប្រៀបដូចទាហាន។

មិនត្រឹមតែអ្នកគាំទ្រទេ សូម្បីតារាចម្រៀង Jeon Somi ក៏មានការបារម្ភចំពោះ Lisa ដែរ។ នៅពេលបង្ហោះវីដេអូមួយអបអរស្វាគមន៍កូនឆ្មាថ្មីមួយក្បាលមកកាន់គ្រួសារ អ្នកគាំទ្រ BLACKPINK ម្នាក់បានសរសេរសារអរគុណចំពោះឪពុករបស់ Somi ដោយបញ្ជាក់ថា៖«Somi, ឪពុករបស់នាងពិតជាគួរឲ្យស្រឡាញ់ណាស់ ខ្ញុំចង់និយាយអរគុណដល់គាត់ដែលបានមើលថែ Lisa»។

ឃើញភ្លាម Somi ក៏បានតបវិញថា៖ «;) ខ្ញុំប្រាប់គាត់ឲ្យជួយមើលថែបងស្រីជាជាទីស្រឡាញ់របស់ខ្ញុំម្នាក់នេះជាពិសេសបំផុត»។

តាមរយៈទឹកចិត្តរបស់តារាស្រី អតីតសមាជិកក្រុម I.O.I រូបនេះដែលមានចំពោះ Lisa ពិតជាអាចបញ្ជាក់បានថានាងស្រឡាញ់ និងបារម្ភចំពោះគ្នាកម្រិតណា ហើយអ្នកគាំទ្រក៏រីករាយនឹងមិត្តភាពនេះដែរ៕