ឪពុកស៊ុតមិនទាន់ចូល តែកូន Ronaldo រកបាន៤គ្រាប់នៅឈុត U9ឆ្នាំ
- 2018-09-03 03:53:32
- ចំនួនមតិ 0 | ចំនួនចែករំលែក 0
ឪពុកស៊ុតមិនទាន់ចូល តែកូន Ronaldo រកបាន៤គ្រាប់នៅឈុត U9ឆ្នាំ
ចន្លោះមិនឃើញ
Cristiano Ronaldo ចាប់ផ្ដើមរដូវកាលមិនកាក់កបប៉ុន្មានទេ ទោះ Juventus ឈ្នះ៣ប្រកួតជាប់គ្នានៅ Serie A ក៏ដោយ ព្រោះរូបគេមិនទាន់រកបានសូម្បី១គ្រាប់ពីប្រកួតទាំងនោះ។
ខ្សែប្រយុទ្ធសញ្ជាតិព័រទុយហ្គាល់ទើបតែបាត់បង់ពាន UEFA Player of the Yearទៅលើអតីតមិត្តរួមក្រុម Luka Modric កាលពីសប្ដាហ៍មិនហើយពេលនេះមានសម្ពាធមួយកម្រិតទៀតដោយសារមិនអាចរកគ្រាប់បានឲ្យក្លឹបថ្មីលើទឹកដីអ៊ីតាលី។
យ៉ាងណាទោះឪពុកកំពុងរងសម្ពាធតែ Cristiano Jr ជាកូនបានបង្ហាញខ្លួនយ៉ាងល្អឲ្យក្រុម Juventus អាយុក្រោម៩ឆ្នាំ។ កូនប្រុសច្បងរបស់ Ronaldo រូបនេះស៊ុតបញ្ចូលទីបាន៤គ្រាប់នៅប្រកួតដំបូងក្នុងជ័យជម្នះ៥-១ លើ Lucento កាលពីថ្ងៃអាទិត្យដោយមាននាង Georgina ជាម្ដាយទៅគាំទ្រផ្ដល់កម្លាំងចិត្តផ្ទាល់៕