3AM ភាពយន្តបែបរន្ធត់ធ្លាប់ល្បីខ្លាំងនៅរោងកុន នឹងមាននៅ PNN ឆាប់ៗ

2018-09-03 05:35:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីថ្ងៃទី១ ខែកញ្ញា នេះតទៅទស្សនិកជន នឹងទទួលបានអារម្មណ៍ប្លែកជាមួយការចាក់ផ្សាយរឿងបែបថ្មី ដោយស្ថានីយទូរទស្សន៍PNN នឹងនាំយករឿង 3AM បែបព្រឺព្រួច ភ័យរន្ធត់ លស់ព្រលឹង មកចាក់ផ្សាយនាពេលចុងសប្តាហ៍។

ខ្សែភាពយន្តរឿង 3AM ដែលនឹងត្រូវចាក់ផ្សាយក្នុងខែកញ្ញានេះរួមមាន៖

វគ្គ ស្ទូឌីយោព្រឺព្រួច ចាក់ផ្សាយនៅថ្ងៃទី ០១ ខែកញ្ញា
វគ្គ វិញ្ញាណស្រីរបាំ ចាក់ផ្សាយនៅថ្ងៃទី ០៨ ខែកញ្ញា
វគ្គ បន្ទប់ចឹញ្ចឹមខ្មោច ចាក់ផ្សាយនៅថ្ងៃទី ១៥ ខែកញ្ញា
វគ្គ វិចិត្រករពាក់មុខ ចាក់ផ្សាយនៅថ្ងៃទី ២២ ខែកញ្ញា
វគ្គ គ្រឿងសម្អាងខ្មោច ចាក់ផ្សាយនៅថ្ងៃទី ២៩ ខែកញ្ញា

កញ្ញា ទូច បុប្ផា ប្រធានផ្នែកគ្រប់គ្រងកម្មវិធីផ្សាយរបស់ស្ថានីយទូរទស្សន៍PNN បានឱ្យដឹងថា៖«មូលហេតុដែលPNN នាំយករឿងទាំងនេះមកចាក់ផ្សាយដោយសារតែពីមុនរឿងទាំងអស់នេះគឺជារឿងដុំ ហើយបានចាក់ផ្សាយនៅតាមរោងកុន និងទទួលបានការគាំទ្រខ្លាំងពីទស្សនិកជន។ ដោយឡែកសម្រាប់ផលិតករក៏មានបំណង ក្នុងការបំបែករឿងមួយនេះឱ្យមានចំនួន១០វគ្គផ្សេងគ្នា ហើយនេះក៏ជាឱកាសល្អដែល PNN ទទួលបានឱកាសសហការជាមួយ Westic នាំយករឿងនេះមកចាក់ផ្សាយនៅលើប៉ុស្តិ៍របស់ខ្លួន ដោយជ្រើសរើសយកម៉ោង១០:០០-១១:០០យប់ ដើម្បីឱ្យត្រូវជាមួយរឿងបែបភ័យរន្ធត់នេះ»។

ភាពយន្តរាត្រីលស់ព្រលឹង នឹងចាក់ផ្សាយជូនទស្សនារៀងរាល់ថ្ងៃសៅរ៍ម៉ោង ១០:០០-១១:០០យប់ និងចាក់ផ្សាយឡើងវិញនៅថ្ងៃអាទិត្យ វេលាម៉ោង ៤:០០-៥:០០ល្ងាច នៅលើកញ្ចក់ទូរទស្សន៍ PNN៕

ទស្សនាឈុតខ្លីសូមចុច៖

https://www.facebook.com/PNNTVCambodia/videos/296603827790463/

អត្ថបទ៖ ថា ម៉ាលីដា