ទៀត! កាយវិការអបអរខ្វែងដៃរបស់ Mustafi អាចនឹងត្រូវ FA ដាក់ពិន័យ
- 2018-09-03 07:50:58
- ចំនួនមតិ 0 | ចំនួនចែករំលែក 0
ទៀត! កាយវិការអបអរខ្វែងដៃរបស់ Mustafi អាចនឹងត្រូវ FA ដាក់ពិន័យ
ចន្លោះមិនឃើញ
ខ្សែការពាររបស់ Arsenal កីឡាករ Shkodran Mustafi កំពុងស្ថិតក្នុងចំណុចក្ដៅជាមួយសហព័ន្ធបាល់ទាត់អង់គ្លេស FA ដោយសារក្បាច់អបអរគ្រាប់បាល់របស់គេ ពេលលេងទល់នឹង Cardiff កាលពីម្សិលមិញ។
កីឡាករអាល្លឺម៉ង់រូបនេះបានតែតបញ្ចូលទីមួយគ្រាប់យ៉ាងល្អផុតដៃអ្នកចាំទីហ្វីលីពីន Neil Etheridge ជាចំណែកជួយ Arsenal ឈ្នះ Cardiff របស់វែល៣ទល់នឹង២។ ក្រោយទាត់បញ្ចូលទីខ្សែការពារវ័យ២៦ឆ្នាំបានអបអរដាល់ដៃខ្វែងគ្នានិងបក់ម្រាមដៃ ដែលសញ្ញានេះស្រដៀងនឹងរូបឥន្ទ្រីលើទង់ជាតិប្រទេសអាល់បានី។
សម្រាប់កាយវិការនេះមិត្តក្រុមរបស់គេ Granit Xhaka និង Xherdan Shaqiri កីឡាកររបស់ Liverpool ធ្លាប់ត្រូវពិន័យម្ដងហើយក្នុងព្រឹត្តិការណ៍ World Cup នាប្រទេសរុស្សី ពេលដែលស្វីសប្រកួតជាមួយស៊ែប។ Mustafi ត្បិតតែកើតនៅអាល្លឺម៉ង់ តែគ្រួសារក៏ជាប់សាច់ឈាមខាងប្រទេសអាល់បានីផងដែរ៕