ដឹងកាលបរិច្ឆេទបង្ហាញខ្លួន Vivo X23 បំពាក់ RAM 8GB អង្គផ្ទុក 128GB
- 2018-09-03 13:55:10
- ចំនួនមតិ 0 | ចំនួនចែករំលែក 0
ដឹងកាលបរិច្ឆេទបង្ហាញខ្លួន Vivo X23 បំពាក់ RAM 8GB អង្គផ្ទុក 128GB
ចន្លោះមិនឃើញ
Vivo បានបញ្ជាក់ជាសាធារណៈព្រឹត្តិការណ៍ដាក់បង្ហាញស្មាតហ្វូនជំនាន់ក្រោយ X23 នឹងចេញផ្សាយនាថ្ងៃទី ៦ កញ្ញា ពោលគឺមុនរយៈពេលប៉ុន្មានថ្ងៃក្រុមហ៊ុនប្រទេសចិនបានផ្ញើចេញសំបុត្រអញ្ជើញដល់ក្រុមអ្នកសារព័ត៌មានធំៗដូចជា Zealer China ឲ្យបានដឹង។
តាមការរំពឹងទុក X23 សេរ៊ីឆ្នាំ ២០១៨ នេះ នឹងបំពាក់អេក្រង់ទំហំ ៦,២៤ អ៊ីញ ប្រភេទ Super AMOLED មានស្នាមឆកកណ្តាលរាងតូចជាងមុនជាចន្លោះសម្រាប់កាមេរ៉ា Selfie ដោយមានកម្រិតបង្ហាញ FullHD+ ( ២ ៣៤០ x ១ ០៨០ ភីកសែល) មាត្រដ្ឋាន ១៩,៥:៩។ លាយឡំឈីបធុនកណ្តាល Snapdragon 670 ក្រោមដំណើរការ RAM ធំទំហំ 8GB និងអង្គផ្ទុកល្មមប្រើ 128GB ខណៈពិន្ទុពី AnTuTu ទទួលបាន ១៥៧ ២៧១ ពិន្ទុ។
ចំពោះខ្នងក្រោយបំពាក់កាមេរ៉ាភ្លោះទំហំ 12MP (SONY IMX363) + 13MP និងខាងមុខ 12MP បន្ថែមថាមពលថ្ម ៣ ៤០០mAh គាំទ្រមុខងារសាកថ្មរហ័សកម្លាំង ២២,៥ វ៉ាត់ បញ្ចប់ដោយប្រព័ន្ធ Android 8.1 Oreo ផ្សំផ្ទៃកម្មវិធី FunTouch OS 4.5។
ទន្ទឹមនឹងថ្ងៃតែមួយ Vivo ក៏នឹងដាក់បង្ហាញ V11 Pro ក្នុងប្រទេសឥណ្ឌាដូចគ្នា ដោយចចាមអារ៉ាមកន្លងទៅមានបំពាក់អេក្រង់ ៦,៤ អ៊ីញ កម្រិត FHD+ មាត្រដ្ឋាន ១៩,៥:៩ បន្សំឈីប Snapdragon 660 មាន RAM 6GB/64GB ROM ខណៈកាមេរ៉ាក្រោយ 12+5MP និងខាងមុខ 25MP៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: