POCO F1 សាកកាមេរ៉ាជាមួយ OnePlus 6 បានដឹងមួយណាខ្លាំង

2018-09-04 02:19:40
ចំនួនមតិ 0 | ចំនួនចែករំលែក 0

ចន្លោះមិនឃើញ

POCO F1 ជាស្មាតហ្វូនចំណូលថ្មីដែលមានលក្ខណៈសម្បត្តិខ្ពស់ និងមានតម្លៃធូរថ្លៃបំផុត។ ដោយសារចំណុចពីរនេះ ធ្វើឲ្យគេនឹកគិតថា POCO F1 ជាគូប្រជែងមួយរបស់ OnePlus 6។ ចង់ដឹងថាកាមេរ៉ាស្មាតហ្វូនមួយណាផលិតរូបភាព/វីដេអូបានល្អជាង គេបង្កើតការប្រៀបធៀបមួយឡើង។

រូបថត Outdoor

មួយប្លង់នេះឃើញថា F1 អាចផលិតរូប Dynamic Range បានល្អ ដោយមើលទៅមេឃមិនចែងចាំងខ្លាំងដូច OnePlus 6 ទេ

មួយសន្លឹកនេះ OnePlus 6 អាចផលិតផ្ទៃមេឃពណ៌ខៀវបានស្អាត ប៉ុន្តែស្រមោលនៃស្លឹកឈើងងឹតខ្លាំងពេក ធ្វើឲ្យបាត់បង់ Detail មិនដូច F1

រូបនេះវិញ ស្លឹកឈើពណ៌បៃតងនៅលើ OnePlus 6 បង្ហាញបានច្បាស់ជាង POCO F1 ប៉ុន្តែផ្កាពណ៌ស្វាយនៅលើ F1 មានពណ៌ស្អាតជាង OnePlus 6

រូបថត Indoor

រូបថតនៅទីធ្លាខាងក្នុង ឃើញថា OnePlus 6 អាចធ្វើបានល្អ ដោយរក្សា Detail នៃរោមមាន់គោកបានល្អ

មួយសន្លឹកនេះគុណភាពមិនខុសគ្នាខ្លាំងឡើយ

OnePlus 6 ព្យាយាមដំឡើង Exposure ឲ្យខ្ពស់ដើម្បីអាចមើលឃើញដបស្រានៅលើធ្នើរបានច្បាស់ ជាលទ្ធផលបង្កើតបានជា Over-Exposure ចំណែក POCO F1 អាចរក្សាពន្លឺបានល្អមិនឲ្យ Exposure ឡើងខ្ពស់ពេកប៉ុន្តែបាត់បង់ Detail នៃដបស្រា

រូបថតពេលយប់

ជាថ្មីម្ដងទៀតរូបរបស់ OnePlus 6 គឺមាន Over-Exposure នៅ Background ខុសពី POCO F1

POCO F1 មាន Aperture តូច ហេតុនេះវាត្រូវដំឡើង ISO ពេលថតរូបនៅទីងងឹត ដែលបង្កើតបានជាគ្រាប់ Noise ច្រើន មិនដូច OnePlus 6 មាន Aperture ធំអាចឲ្យពន្លឺចូលបានច្រើន

រូបថត Portrait

រូបដែលថតចេញពី OnePlus 6 គឺមាន Balance នៃពន្លឺល្អជាង POCO F1

POCO F1 ព្យាយាមដំឡើង Exposure ពេកធ្វើឲ្យបាត់បង់ Detail នៃអាវ

ការថតវីដេអូ

ចំពោះការថតវីដេអូពេលយប់ POCO F1 មិនមានគ្រាប់ Noise ច្រើនដូចជា OnePlus 6 នោះទេ ប៉ុន្តែ OnePlus 6 អាចរក្សាលំនឹងបានប្រសើរជាង។ ការថតវីដេអូ 4K វិញ OnePlus 6 អាចធ្វើបានល្អជាង POCO F1 ដោយសារមានបច្ចេកវិទ្យារក្សាលំនឹង។

តាមការប្រៀបធៀបត្រួសៗខាងលើនេះ ឃើញថា POCO F1 និង OnePlus 6 មានបំពាក់នូវកាមេរ៉ាដែលមានចំណុចខ្លាំងរៀងៗខ្លួន ដែលអាចតម្រូវចិត្តអ្នកប្រើប្រាស់ជាច្រើនបាន៕

ប្រភព៖ YouTube ប្រែសម្រួល៖ សុខហេង