Dua Lipa ប្រកាសចេញបទចម្រៀងថ្មីជាមួយ BLACKPINK

2018-09-04 08:16:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងថ្មីមួយទៀតសម្រាប់អ្នកគាំទ្រក្រុម BLACKPINK បានមកដល់ហើយ គឺក្នុងពេលឆាប់ៗក្រុមនេះនឹងមានបទថ្មីដែលជាការសហការជាមួយ តារាចម្រៀង Dua Lipa។

នៅថ្ងៃទី ០៤ ខែកញ្ញានេះ តារាចម្រៀងសញ្ជាតិអង់គ្លេស Dua Lipa បានប្រកាសជាផ្លូវការលើគណនី Twitter ដោយបង្ហើបពីគម្រោងផលិតស្នាដៃថ្មី ដែលត្រៀមចេញក្នុងពេលឆាប់ៗ។ ជាមួយរូបថតដែលបានបង្ហោះនោះដែរ តារាស្រីរូបនេះបានសរសេរថា៖ «ពិតជារំភើបណាស់ដែលសមិទ្ធផលអាល់ប៊ុមថ្មីរបស់ខ្ញុំ នឹងចេញនៅថ្ងៃទី ១៩ ខែតុលា ជាមួយបទថ្មី ៣បទ!!»។ ក្នុងនោះនាងក៏បានអរគុណអ្នកគាំទ្រទាំងអស់សម្រាប់ការស្រឡាញ់ និងគាំទ្រដែរ។

អ្នកគាំទ្រពិតជារំភើបក្នុងការវិលមកវិញរបស់តារាស្រីរូបនេះ ប៉ុន្តែអ្វីដែលគ្រប់គ្នាកាន់តែភ្ញាក់ផ្អើលមួយកម្រិតទៀតនោះ គឺនៅពេលឃើញចម្រៀងមួយបទ មានចំណងជើងថា "Kiss and Make Up” មានការសហការច្រៀងជាមួយ BLACKPINK៕

ប្រភព៖ kstarlive ប្រែសម្រួល៖ យី សុធារី