របស់សំខាន់ ៧យ៉ាងនេះ ម៉ារីម៉ាតែងយកទៅជាមួយជានិច្ច ពេលទៅដើរលេង
- 2018-09-04 09:25:08
- ចំនួនមតិ 0 | ចំនួនចែករំលែក 0
របស់សំខាន់ ៧យ៉ាងនេះ ម៉ារីម៉ាតែងយកទៅជាមួយជានិច្ច ពេលទៅដើរលេង
ចន្លោះមិនឃើញ
ជាទូទៅតារាសម្ដែង និងក្រុមគ្រួសារចូលចិត្តដើរកម្សាន្តណាស់មិនថាក្នុង ឬក្រៅប្រទេសទេ ក្រោយពីទំនេរពីការងារ។
ដោយសារការធ្វើលម្ហែកម្សាន្តនេះជាទម្លាប់របស់នាង និងគ្រួសារទៅហើយ ដូចនេះ Marian ច្បាស់ជាមានបទពិសោធន៍ និងគន្លឹះឆ្លាតៗ ក្នុងការរៀបចំឥវ៉ាន់សម្រាប់ធ្វើដំណើរហើយ។ តារាស្រីរូបនេះបាននិយាយថា៖ «តាំងពីនៅតូច រហូតខ្ញុំមានគ្រួសារ សមាជិកគ្រួសាររបស់ខ្ញុំទាំងអស់សុទ្ធតែជាអ្នកចូលចិត្តដើរលេង។ ហើយពេលនេះខ្ញុំនឹងចែករំលែកគន្លឹះសំខាន់ទាក់ទងនឹងដំណើរកម្សាន្តរបស់ខ្ញុំ ពិសេសអ្វីដែលត្រូវយកទៅ ខានមិនបាន»។
ទី១៖ ខ្នើយកល់ក
មូលហេតុពីក្រោយ គឺវាងាយស្រួលនៅពេលនាងសម្រាកលើយន្តហោះ។
ទី២៖ កន្សែង
ដោយសារនៅលើយន្តហោះ នាងងាយនឹងរងា ដូចនេះនាងតែងយកកន្សែងទៅជាមួយជានិច្ច ហើយអ្នកម្ដាយរូបនេះក៏តែងជ្រើសកន្សែងពណ៌ផ្កាឈូកដែរ។
ទី៣៖ អាវចាក់ពាក់ពីក្រៅ
ជាទូទៅម៉ារីម៉ា តែងពាក់អាវចាក់នេះបានគ្រប់កាលៈទេសៈ ហើយពាក់ជាមួយអ្វីក៏បាន។ ម្យ៉ាងពេលពាក់ទៅ នាងមានអារម្មណ៍ថាខ្លួនឯងកាន់តែគួរឲ្យស្រឡាញ់ សមជានារី។
ទី៤៖ កន្ត្រកកំណាត់ធំមួយ
តារាស្រីរូបនេះតែងយកកន្ត្រកកំណាត់ ព្រោះវាផ្ដល់ភាពងាយស្រួលសម្រាប់នាងទុកដាក់ឥវ៉ាន់ពេលទៅណាមកណាម្ដងៗ។
ទី៥៖ មួកកាតិប
មួកដែលនាង និងស្វាមីដាក់ជាប់ខ្លួនពេលធ្វើដំណើរ មានរចនាពាក្យ "I Love Manila” ហើយជាមួយដែលអ្នកទាំង ២ស្រឡាញ់ជាប់ចិត្ត។
ទី៦៖ សម្លៀកបំពាក់ស្ដើងៗ
តារាស្រីរូបនេះមិនចូលចិត្តឈុតណាដែលរញ៉េរញ៉ៃខ្លាំងពេកទេ ពិសេសបើត្រូវទៅធ្វើដំណើរកម្សាន្តទៅណាម្ដងៗវិញ នាងយកតែខោអាវស្ដើងៗ និងទន់ ស្រួលពាក់។
ទី៧៖ ថង់សម្រាប់ដាក់កាក់
ម្ដាយរបស់ Zia តែងយកថង់តូចសម្រាប់ដាក់កាក់ជាប់ខ្លួនជានិច្ច៕
ទស្សនាវីដេអូពេញដូចខាងក្រោម៖