"សូផាត" ប្រលោមលោកមានរសនិយមទំនើបដំបូងគេ ចាប់កំណើតនាសម័យអាណានិគមបារាំង

2018-09-06 06:13:24
ចំនួនមតិ 0 | ចំនួនចែករំលែក 0

ចន្លោះមិនឃើញ

"សូផាត" ជាប្រភេទប្រលោមលោកអក្សរសិល្ប៍ទំនើប បែបមនោសញ្ចេតនារបស់និពន្ធ រីម គីន បានចាប់បដិសន្ធិឡើងនៅក្នុងខឿនអក្សរសិល្ប៍ខ្មែរ នាសម័យអាណានិគមបារាំង។

រឿងនេះបាននិពន្ធឡើងនៅក្នុង១៩៣៨ ក្រោយពីនិពន្ធរួចពុំបានបោះពុម្ពផ្សាយភ្លាមៗនោះទេ លុះក្រោយមកគណៈរដ្ឋមន្រ្តីបានអនុញ្ញាត ទើបអ្នកនិពន្ធបានខ្ចីប្រាក់ពីហិបរបស់ «សមាគមសិស្សចាស់ និងមិត្តនៃអនុវិទ្យាល័យ និងវិទ្យាល័យស៊ីសុវត្ថិ» ចំនួន៣០០រៀល យកទៅបោះពុម្ពផ្សាយ នៅឆ្នាំ១៩៤២។

ស្នាដៃប្រលោមលោកដំបូងរបស់លោក រីម គីន បានឆក់បេះដូងអ្នកអាននាសម័យនោះឲ្យជក់ចិត្តជាខ្លាំង រហូតស្នាដៃមួយនេះល្បីខ្ទរខ្ទារពេញផ្ទៃប្រទេស។ សៀវភៅចំនួន២ពាន់ក្បាលលក់អស់ពីបណ្ណាគារតែក្នុងរយៈ៦ខែប៉ុណ្ណោះ ។ តាមរយៈរឿង សូផាត រាជការបានប្រគល់គ្រឿងឥស្សរិយយសមុនីសារភណ្ឌដល់អ្នកនិពន្ធ រីម គីន ហើយនៅឆ្នាំ១៩៥០ រឿង "សូផាត" បានដាក់បញ្ចូលក្នុងកម្មវិធីសិក្សាបឋមភូមិ។

ហេតុអ្វីជាប្រលោមលោករឿង "សូផាត" ទទួលបានការគាំទ្រខ្លាំងនាសម័យនឹមត្រួតត្រារបស់បារាំងមកលើខ្មែរ? តើអ្នកនិពន្ធបានបញ្ចូលសិល្ប៍វិធីអ្វីខ្លះ?

សូផាត លាតត្រដាងពីប្រវត្តិស្នេហាជឿនលឿនរបស់យុវជន២រូប ដែលរស់នៅក្រោមការគ្រប់គ្រងរបស់អ្នកមានគុណធម៌ ក្នុងនោះអ្នកនិពន្ធចង់បង្ហាញពីស្នេហាប្តូរផ្តាច់រវាងសូផាត និងម៉ានយ៉ាន តម្លៃនៃការសិក្សារៀនសូត្រ និងអប់រំមនុស្សរស់នៅក្នុងសង្គមត្រូវចេះជួយយកអាសាគ្នាទៅវិញទៅមក។

អ្វីដែលប្លែកនោះ ទោះបីជារឿងនេះនិពន្ធឡើងក្នុងសម័យអាណានិគមបារាំងក្តី ក៏អ្នកនិពន្ធមិនបាន បង្ហាញពីតថភាពនាសម័យនោះ ដែលប្រជាជនខ្មែរទទួលបានការគាបសង្កត់ពីបារាំងឡើយ។

ភាពយន្តភាគដែលបំលែងចេញពីប្រលោមដ៏ល្បីមួយនេះ មាននៅលើ App Soyo ហើយ ចាប់ពីថ្ងៃទី៧ ខែកញ្ញានេះតទៅ ដោយប្រិយមិត្តអាចទស្សនាដោយឥតគិតថ្លៃ ១២ភាគដំបូង ដែលមានចេញផ្សាយរៀងរាល់ថ្ងៃសុក្រ និងសៅរ៍។

នៅចាំអីទៀត ដោនឡូត App Soyo ឥលូវនេះ ដើម្បីបានទស្សនារឿង សូផាត និងរឿងផ្សេងៗ ទៀតនៅលើ Soyo។

អត្ថបទ៖ ដេត ធន្នី