Neymar បាញ់ Liverpool ថាមិនបាន Top 4 មុនប៉ះគ្នានៅ Champions League
- 2018-09-05 01:46:49
- ចំនួនមតិ 0 | ចំនួនចែករំលែក 0
Neymar បាញ់ Liverpool ថាមិនបាន Top 4 មុនប៉ះគ្នានៅ Champions League
ចន្លោះមិនឃើញ
Neymar Jr ដែលត្រូវប្រឈមមុខជាមួយ Liverpool នៅ Champions League វគ្គចែកពូលនោះបានបាញ់ក្រុមនេះថាអាចនឹងមិនបានសូម្បី Top 4 នៅចុងរដូវកាល។
Liverpool បានឈរកំពូលតារាង Premier League ៤សប្ដាហ៍មកហើយ ក្រោយលេង៤ប្រកួតឈ្នះទាំង៤ ស៊ុតបញ្ចូលទី៩គ្រាប់ និងរបូតគ្រាប់វិញ១។ យ៉ាងណាខ្សែប្រយុទ្ធ Paris Saint-Germain គិតថាក្រុមរហ្សនាមថាហង្សក្រហមនៅទីកំពូលមិនបានយូរទេ ហើយនឹងបញ្ចប់លេខ៥នៅទីបំផុត។
"តើក្រុមណានឹងឈ្នះ Premier League? វាពិតជាសំណួរពិបាកឆ្លើយ ប៉ុន្តែខ្ញុំគិតថា Manchester City នឹងឈ្នះ។ លេខ២គឺ United លេខ៣គឺ Chelsea ហើយលេខ៤នឹងបានទៅ Tottenham"។ Neymar និយាយដូច្នេះ។
គួរបញ្ជាក់ថា Liverpool នឹងបើកទ្វារកីឡដ្ឋាន Anfield របស់ខ្លួនស្វាគមន៍ PSG នៅពាន Champions League នៅថ្ងៃពុធ ទី១៩ ខែកញ្ញា ក្នុងការប្រកួតពូលC ដែលមានក្រុមដូចជា Napoli និង Red Star Belgrade៕