“App War” ភាពយន្តមនោសញ្ចេតនាជំនាន់បច្ចេកវិទ្យាមានគ្រប់រសជាតិ អ្នកមិនគួររំលង

2018-09-05 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

“App War” ឬ "សត្រូវ App សំណព្វចិត្ត" គឺជាភាពយន្តថៃ ទើបតែដាក់បញ្ចាំងដើមខែកញ្ញានេះ ដែលមានលក្ខណៈប្លែកខុសពីភាពយន្តមនោសញ្ចេតនាផ្សេងៗដែលអ្នកធ្លាប់ទស្សនាពីមុន។ រឿងនេះចូលរួមសម្ដែងដោយ Thanaphop Vijit សម្ដែងជាតួអង្គ Bomb និង Pattanan Jijirichote សម្ដែងជាតួអង្គ June។

“App War” រៀបរាប់រឿងរ៉ាវរបស់តួឯកទាំងពីរ ដែលចាប់ផ្ដើមបង្កើតកម្មវិធីទូរស័ព្ទ (App) ស្រដៀងគ្នា ធ្វើឲ្យពួកគេត្រូវជម្នះគ្នាតាំងពីដើមរហូតដល់ចប់។ ទោះបីជាពួកគេមានទឹកចិត្តចំពោះគ្នាក៏ដោយ ក៏បញ្ហាការងារធ្វើឲ្យទំនាក់ទំនងពួកគេពិតជាច្របូកច្របល់នឹកស្មានមិនដល់។

តួអង្គ June

តួអង្គ Minh

ភាពយន្តនេះបាន បង្ហាញពីអត្ថន័យផ្សេងៗចំពោះសេចក្ដីស្នេហា និងការរាប់អានមិត្តភ័ក្ដិក៏ដូចជាការតស៊ូរបស់មនុស្សជំនាន់ថ្មី ដែលមានទេពកោសល្យក្នុងវិស័យបច្ចេកវិទ្យា។ នេះគឺជាភាពយន្តដ៏ប្លែកមួយ ពោរពេញទៅដោយឈុតឆាកកំប្លែងផ្ទុះសំណើចក៏ប៉ុន្តែក៏មានឈុតឆាកមនោសញ្ចេតនា និងកម្សត់ស្រក់ទឹកភ្នែកផងដែរ។ មិនត្រឹមតែប៉ុណ្ណោះ "App War” ក៏មានបង្ហាញពីគំនិតអប់រំ នូវការផ្ដោតអារម្មណ៍តែលើការងារមួយមុខគឺវាមិនល្អនោះទេ មនុស្សទាំងអស់គ្នាគួរតែមានការប្រាស្រ័យទាក់ទងគ្នាឲ្យបានល្អប្រសើរជាងនេះ។

ភាពយន្ត "App War” ដែលបាននាំចូលដោយ Sabay MVP ចាប់ផ្ដើមដាក់បញ្ចាំងតាមបណ្ដារោងកុនផ្សេងៗ នៅព្រះរាជាណាចក្រកម្ពុជាហើយ។

ទស្សនាវីដេអូ Trailer ខាងក្រោម៖

អត្ថបទ៖ ធារ៉ូ