ចំណុចសំខាន់ ៥ យ៉ាងធ្វើឲ្យអ្នកប្រើ iOS ល្មមៗស្មោះស្ម័គ្រដកចិត្តមិនរួច
- 2018-09-05 12:17:00
- ចំនួនមតិ 0 | ចំនួនចែករំលែក 0
ចំណុចសំខាន់ ៥ យ៉ាងធ្វើឲ្យអ្នកប្រើ iOS ល្មមៗស្មោះស្ម័គ្រដកចិត្តមិនរួច
ចន្លោះមិនឃើញ
ការគាំទ្រលើផលិតផលនៃក្រុមហ៊ុននីមួយៗ ជាចំណង់ចំណូលចិត្តរបស់អ្នកប្រើប្រាស់ខុសប្លែកពីគ្នា។ ផ្អែកទៅតាមហេតុផល ៥ យ៉ាង ត្រូវបានគេជឿថាជាចំណុចរសើបដែលប្រិយមិត្តអ្នកគាំទ្រ iOS ភាគច្រើន ដាក់ចិត្តប្រើប្រាស់កាន់ឆ្នាំនិងមិនដាច់ចិត្តទៅប្រើប្រាស់ឧបករណ៍នៃក្រុមហ៊ុនដទៃ។
១.ការរៀបចំកែច្នៃតាមចិត្ត:
ទៅមើល iPhone កាលពីប៉ុន្មានឆ្នាំមុនអាចថាពិបាក ព្រោះ Apple មិនបើកផ្លូវឲ្យធ្វើការកែច្នៃទម្រង់ប្រើប្រាស់ផ្សេងៗ ជាកត្តាបង្ខំឲ្យអ្នកប្រើដាក់ចិត្ត Jailbreak ឧបករណ៍ខ្លួន។ ប៉ុន្តែប៉ុន្មានឆ្នាំចុងក្រោយនេះ គ្រប់យ៉ាងបានផ្លាស់ប្តូរពោលគឺ iOS 11 នេះផ្ទាល់ អនុញ្ញាតឲ្យអ្នកកែច្នៃផ្ទៃ Control Center គ្រប់គ្រងលើដំណើរការ Background, Lock screen, Keyboard និងមុខងារជាច្រើនទៀត រហូតក៏អាចកំណត់ App ណាដែលចាំបាច់ត្រូវប្រើប្រាស់ការបង្ហាញទីតាំង Location ថែមទៀតផង។
២.ការចែករំលែកធំទូលាយ:
ការចែករំលែកពី iPhone មួយទៅ iPhone មួយផ្សេងទៀតឬឧបករណ៍ស្ថិតក្រោមដំបូលតែមួយដូចជា iPad, Mac ឬ Apple TV អាចធ្វើបានយ៉ាងឆាប់រហ័សនិងងាយស្រួល។ ជាឧទាហរណ៍សាមញ្ញដុចជាការចែករំលែករូបភាពតាមរយៈ iCloud ឬ AirDrop រូបភាព ឯកសារ និងវីដេអូជាដើម រហ័សនិងមានសុវត្ថិភាព។
៣.ងាយយល់ពីរបៀបប្រើប្រាស់:
ផ្ទៃ UI របស់ Apple ក៏កាន់តែធ្វើឲ្យអ្នកប្រើប្រាស់ចាប់អារម្មណ៍ខ្លាំង និងពុំចំណាយពេលយូរក្នុងការសិក្សាពីរបៀបប្រើប្រាស់។ ជាពិសេសក៏អាចស្វែងយល់ពីគន្លឹះជួយឲ្យដំណើរការប្រើប្រាស់របស់អ្នក កាន់តែរហ័ស ដូចជាការបង្កើត Shortcut ឬកំណត់ណាមួយ។
៤.Animation មានលក្ខណៈប្លែកពីគេ:
Effect និង Animation ជាចំណីចក្ខុមួយផ្សេងទៀត សោតយ៉ាងដូចជាមុខងារ Force Touch លើ iPhone 6s ឡើងទៅ បន្សំមុខងារ Memoji ដែលកំពុងអភិវឌ្ឍសម្រាប់ iOS 12 អនុញ្ញាតឲ្យអ្នកប្រើបង្កើត Avatar ដោយខ្លួនឯងតាមរយៈទឹកមុខនិងកាយវិការបានបង្ហាញ។
៥.មុខងារប្រើប្រាស់សំខាន់ៗ:
មានតាំងពីមុខងារ Apple Pay ទូទាត់ការចំណាយអេឡិចត្រូនិក ក៏ដូចជាផ្តល់ភាពងាយស្រួលអំឡុងបើកបររថយន្តតាមរយៈមុខងារ CarPlay និង Do Not Disturb While Driving។ ចំពោះ CarPlay ដែលកំពុងទទួលបានការពេញនិយមក៏មានក្រុមហ៊ុនជាច្រើនដូចជា Spotify, WhatsApp និង Pandora ជាដើម កំពុងចូលរួមក្នុងកិច្ចសហការជាមួយ Apple។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ប្រឡងតាមប្រព័ន្ធកុំព្យូទ័រ ដឹងលទ្ធផលភ្លាមៗ មានឱកាសរៀនហ្រ្វីបាន ៤ ឆ្នាំ
តិចច្រឡំថានៅស្រុកគេអីទៅ នៅខ្មែរមានរឿងថ្ម iPhone ផ្ទុះឆេះហុយផ្សែងពេញផ្ទះ