Kroos ថា Sane ត្រូវការជំនួយ ដើម្បីក្លាយជាកីឡាករលំដាប់ពិភពលោក

2018-09-05 14:07:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Toni Kroos ក្នុងថ្ងៃនេះ បាននិយាយថា ខ្សែស្លាប Leroy Sane ត្រូវការជំនួយ ដើម្បីក្លាយជាកីឡាករល្អលំដាប់ពិភពលោក។

កីឡាករ Kroos បាននិយាយថា៖ "Sane អាចក្លាយជាកីឡាករល្អលំដាប់ពិភពលោក ប៉ុន្តែគេត្រូវការមនុស្សប្រាប់ពីមួយដំណាក់កាលទៅដំណាក់កាល ហើយរៀនហ្វឹកហាត់បន្ថែមដោយខ្លួនឯង"។

Kroos យល់ថា មូលហេតុខាងលើនេះហើយ ដែលនាំឲ្យលោក Pep Guardiola មិនដាក់ឲ្យ Sane ចូលលេងក្នុងប្រកួតប៉ះ Newcastle កន្លងទៅ ព្រោះលោកអ្នកចាត់ការអេស្ប៉ាញចង់ធ្វើឲ្យ Sane ហ្វឹកហាត់ឲ្យកាន់តែខ្លាំង។

សូមបញ្ជាក់ផងដែរ Sane គឺជាកីឡាករបង្គោលមួយរបស់ Manchester City កាលពីរដូវកាលមុន។ ខ្សែស្លាប ស៊ុតចូលជាង ១០ គ្រាប់ និងបញ្ជូនបាល់ឲ្យមិត្តរួមក្រុមស៊ុតជាង ១០ លើកទៀត។ ទោះជាយ៉ាងនេះក្ដី ស្ថិតិនៅតែមិនអាចជួយឲ្យ Sane ជាប់ឈ្មោះក្នុងចំណោមកីឡាករអាល្លឺម៉ង់ដែលត្រូវហោះទៅរុស្ស៊ីដើម្បីលេង World Cup ២០១៨៕

ប្រភព៖ Goal ប្រែសម្រួល៖ ហ៊ីម រស្មី