Siri កាន់តែឆ្លាតវៃ សូម្បីតែលេខសម្ងាត់ក៏អាចប្រាប់បានដែរ

2018-09-06 02:54:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខងារ Siri នៅលើ iOS 12 កាន់តែមានភាពឆ្លាតវៃ អាចបង្ហាញលេខសម្ងាត់ណាមួយ ដែលអ្នកបានរក្សាទុកក្នុង iCloud Keychain ជួយសន្សំសំចៃពេលវេលាពីការចងចាំពាក្យសម្ងាត់ ឬចូលជ្រៅពិបាកស្វែងរក។គ្រប់យ៉ាងអាចសួរ Siri បាន។

គ្រាន់តែប្រាប់ Siri នូវឃ្លាបញ្ជាដូចជា "Show me my passwords" ឬ "Show me my password for ឈ្មោះគណនី" នោះនឹងទទួលបានលទ្ធផលតាមតម្រូវការ។

ពីមុន Siri នឹងបើកទំព័រ Passwords ក្នុង Settings មានបញ្ជីគណនី បានរក្សាទុកទៅកាន់ iCloud Keychain រួចត្រូវចុចលើគណនីនឹងឃើញឈ្មោះ ព្រមជាមួយពាក្យសម្ងាត់។

ក្រោយនេះ Siri នឹងនាំអ្នកចូលដល់ទំព័រគណនីក្នុង Settings តែម្តង បង្ហាញព័ត៌មាន Login សម្រាប់គណនីបានសួរ។ កុំបារម្ភ មុនពេលបង្ហាញទិន្នន័យដ៏សំខាន់ទាំងនេះ តម្រូវឲ្យមានការផ្ទៀងផ្ទាត់ជាមួយ Face ID, Touch ID ឬពាក្យសម្ងាត់។

បើមិនចង់ប្រើ Siri ដើម្បីមើលពាក្យសម្ងាត់ អាចចូលទៅកាន់ទំព័រ iCloud Keychain ដោយផ្ទាល់ ពីក្នុង Settings > Passwords & Accounts > Websites & App Passwords។

រក្សាទុកពាក្យសម្ងាត់ក្នុង iCloud Keychain មានសុវត្ថិភាពជាងទុកនៅកន្លែងនានា ហើយ Siri អាចជួយឲ្យអ្នកចូលប្រើបានងាយស្រួល។ ស្ថិតនៅជំនាន់ Beta នៅឡើយ iOS 12 ក៏មានមុខងារអាចបង្កើតពាក្យសម្ងាត់រឹងមាំ ពិបាកបំបែក ក្នុងការប្រើប្រាស់ផងដែរ៕