តិកនិកសាងស្នាដៃ និងបង្កើតក្រុមការងារផលិតកម្មឈានរកភាពជោគជ័យ ពីផលិតករ ម៉ា ចាន់ណារ៉ា
- 2018-09-06 03:35:49
- ចំនួនមតិ 0 | ចំនួនចែករំលែក 0
តិកនិកសាងស្នាដៃ និងបង្កើតក្រុមការងារផលិតកម្មឈានរកភាពជោគជ័យ ពីផលិតករ ម៉ា ចាន់ណារ៉ា
ចន្លោះមិនឃើញ
បច្ចុប្បន្នការងារលើវិស័យសិល្បៈ ការផ្សព្វផ្សាយ ដូចជារូបថត វីដេអូ ភាពយន្ត ចម្រៀង ទាំងខ្នាតតូច ធំ សម្រាប់ពាណិជ្ជកម្មមានការកើនឡើង និងមានការប្រកួតប្រជែង ដូចនេះការរៀបចំខ្លួនឱ្យទាន់នឹងតម្រូវការងារផ្នែកសិល្បៈបែបនេះ ក្រុមការងារផលិតជាក្រុមសំខាន់សម្រាប់អនុវត្ត និងបង្កើតវណ្ណកម្ម ផ្ទាំងទស្សនីយភាព ដែលមិនអាចខ្វះបាន។
ដើម្បីជាគន្លឹះភាពជោគជ័យលើការបើកផលិតកម្ម លោក ម៉ា ចាន់ណារ៉ា ប្រធានគ្រប់គ្រងក្រុមហ៊ុនផ្សព្វផ្សាយពាណិជ្ជកម្ម រូស្ទ័រឃូល ដែលមានបទពិសោធន៍ជាច្រើនឆ្នាំមកហើយ នឹងលើកពីចំណុចសំខាន់ផ្ដោតលើការបង្កើតក្រុមការងារ និងការបើកផលិតកម្ម ដូចខាងក្រោម៖
១.បើជ្រើសរើសក្រុមការងារផលិតត្រូវគិតលើភាពខ្លាំងរបស់បុគ្គលិក ឬដៃគូ តើបុគ្គលនោះស័ក្តិសមនឹងការងារនោះ ឬអត់។ ចំពោះបុគ្គលដែលមានបុគ្គលិកលក្ខណៈ ភាពឆ្នើម ដែលទទួលបានភាពជឿជាក់ពីក្រុមហ៊ុន ពួកគេនឹងទទួលបានលើកទឹកចិត្តអនុវត្តការងារដោយផ្ទាល់តែម្ដង។ បណ្ដោយការងារឱ្យពួកគេ ទើបពួកគាត់បានរៀនសូត្រ និងអាចស្វែងយល់ពីភាពខ្លាំងនឹងភាពខ្សោយរបស់ខ្លួនជាក់លាក់។
២.ការបង្កើតក្រុមផលិត ដូចជាធ្វើទូជិះកណ្ដាលទន្លេ ម្ល៉ោះហើយត្រូវស្វែងយល់ពីដៃគូការងារក្រុម បង្កើតបរិយាកាសមិត្តភាព ហ៊ាននិយាយពីបញ្ហារបស់ខ្លួនក្នុងកន្លែងការងារដើម្បីដឹងថាចំណុចណាគួរធ្វើ ចំណុចណាមិនគួរធ្វើ កុំឡើយចាំតែបន្ទោស ឬមើលឃើញតែកំហុស ជាជាងការលើកទឹកចិត្តក្រុមការងារ ពេលធ្វើការបានជោគជ័យ។
៣.ការបង្កើតផលិតកម្ម ត្រូវសិក្សាពីលទ្ធភាពរបស់ខ្លួន សំខាន់គឺត្រូវចេះបង្កើតស្នាដៃ។ តួយ៉ាង រូស្ទ័រឃូល បង្កើតឡើងដោយការចូលចិត្ត ផលិតរូបភាព និងវីដេអូដោយចំណាយដោយខ្លួនឯង ដើម្បីទទួលបានលទ្ធផលការងារឆាប់រហ័ស និងមានប្រសិទ្ធភាព រួចហើយក៏បន្តវិនិយោគលើស្នាដៃថ្មីៗ ឬបង្កើតរូបភាពសិល្បៈថ្មី និងមានលក្ខណៈតំណាងឱ្យការចាប់ផ្ដើមរបស់ខ្លួន ប្រកបដោយគំនិតច្នៃប្រឌិត។
៤.ត្រូវត្រៀមខ្លួនសម្រាប់ភាពបរាជ័យ ហើយបើតាំងចិត្តគិតធ្វើការងារក្នុងវិស័យសិល្បៈ ពិសេស រូបភាព និងភាពយន្ត ត្រូវប្រកាន់គោលជំហរខ្ពស់ ត្រូវហ៊ានខាត ហ៊ានឈប់ ហ៊ានធ្វើអ្វីដែលប្លែកដែលអ្នកដទៃមិនហ៊ាន តែអ្នកបានធ្វើវាមុខគេ ល្អជាងគេ។ គួរតែធ្វើជាអ្នកនាំអាទិ៍គេ ជាជាងធ្វើជាក្រុមផលិតដែលធ្វើតែត្រាប់តាមគេ៕
ខាងក្រោមនេះជារូបភាពផលិតដោយលោក ម៉ា ចាន់ណារ៉ា និងក្រុមការងារ រូស្ទ័រឃូល៖