កូនស្រី Angelina ធំឡើង កាន់តែដូចប្រុស ក្រោយរងពាក្យចចាមអារ៉ាមថាប្ដូរភេទ
- 2018-09-06 03:29:42
- ចំនួនមតិ 0 | ចំនួនចែករំលែក 0
កូនស្រី Angelina ធំឡើង កាន់តែដូចប្រុស ក្រោយរងពាក្យចចាមអារ៉ាមថាប្ដូរភេទ
ចន្លោះមិនឃើញ
កាលពីថ្ងៃទី ០៤ ខែកញ្ញានេះ តារាសម្ដែង Angelina Jolie ត្រូវបានប្រទះឃើញនៅតំបន់ Hollywood Hills ជាមួយកូនៗ ៤ នាក់របស់នាង។ តារាសម្ដែងរូបនេះ ស្លៀកពាក់យ៉ាងសាមញ្ញបំផុត ដោយពាក់តែអាវយឺតពណ៌ប្រផេះជាមួយនឹងខោរឹបពណ៌ខ្មៅធម្មតាតែប៉ុណ្ណោះ។
ងាកមកកូនៗរបស់នាងវិញ ក្នុងចំណោមកូនទាំង ៤ នាក់ដែលមានវត្តមានដើរជាមួយនាងនោះ មហាជនជាច្រើនចាប់អារម្មណ៍ជាងគេទៅលើកូនស្រី Shiloh របស់នាង។ ក្នុងឆ្នាំនេះ នាងមានវ័យ ១២ ឆ្នាំ ហើយ Shiloh ធំធាត់លឿនណាស់ ហើយនាងក៏ចាប់ផ្ដើមចូលរៀនថ្នាក់វិទ្យាល័យដែរ។ អ្វីដែលគួរឲ្យចាប់អារម្មណ៍ជាងនេះទៅទៀតនោះ គឺថា បច្ចុប្បន្ន Shiloh កាន់តែតុបតែងខ្លួននាងឲ្យកាន់តែដូចមនុស្សប្រុស ដោយសារនាងបានកាត់សក់ខ្លី ហើយស្លៀកសម្លៀកបំពាក់ក្មេងប្រុសថែមទៀត។
កាលពីឆ្នាំមុន តាមប្រភពមួយពីសារព័ត៌មាន Wnews បានបង្ហាញថា Shiloh បានទៅរកអ្នកជំនាញដើម្បីព្យាបាលបញ្ហាអ័រម៉ូនរបស់នាងឲ្យមកដូចជាមនុស្សស្រីវិញ។ បើទោះបីជានាងតុបតែងខ្លួនដូចប្រុសក្ដី ប៉ុន្តែរូបរាងកាយរបស់នាងនៅតែវិវដ្ដជាលក្ខណៈមនុស្សស្រីដដែល។ មួយវិញទៀត នាងត្រូវបានឲ្យដឹងថា នឹងចាប់ផ្ដើមព្យាបាលការពារប្រឆាំងនឹងការវិវដ្ដអ័រម៉ូនប្រភេទនេះ ដើម្បីឲ្យនាងបានក្លាយទៅដូចជាក្មេងស្រីធម្មតាវិញ។
ទោះជាយ៉ាងណាក៏ដោយ រឿងរ៉ាវនៅមិនទាន់ច្បាស់នៅឡើយទេថា Shiloh អាចនឹងសម្រេចចិត្តធ្វើការវះកាត់ប្ដូរភេទនៅថ្ងៃមុខ តាមជំងឺរបស់នាងនេះ ឬក៏យ៉ាងណានោះទេ។ ចំពោះតារាសម្ដែង Angelina Jolie និង Brad Pitt មិនទាន់ចេញមុខបកស្រាយពីបញ្ហានេះនៅឡើយទេ៕