កត្តា ២ យ៉ាងជំរុញឲ្យ Facebook ហ៊ានបោះ ១ ពាន់លានដុល្លារសាងសង់ Data Center នៅសិង្ហបុរី
- 2018-09-06 09:55:00
- ចំនួនមតិ 0 | ចំនួនចែករំលែក 0
កត្តា ២ យ៉ាងជំរុញឲ្យ Facebook ហ៊ានបោះ ១ ពាន់លានដុល្លារសាងសង់ Data Center នៅសិង្ហបុរី
ចន្លោះមិនឃើញ
មជ្ឈមណ្ឌលផ្ទុកទិន្នន័យដំបូងបង្អស់របស់ក្រុមហ៊ុន Facebook ប្រចាំតំបន់អាស៊ីនឹងត្រូវកសាងឡើងក្នុងប្រទេសសិង្ហបុរីក្រោមសាច់ប្រាក់ ១ ពាន់លានដុល្លារ។ អគារកម្ពស់ ១១ ជាន់ ស្ថិតក្នុងផ្ទៃដី ១៧០ ០០០ ម៉ែត្រការ៉េ Singapore Data Center នឹងរចនាឡើងដើម្បីសម្របអាកាសធាតុសើម ដោយបំពាក់ប្រព័ន្ធ StatePoint Liquid Cooling ដោយប្រើប្រាស់ទឹកដើម្បីបញ្ចុះកម្ដៅខ្យល់និងផ្នែកខាងមុខអាចអនុញ្ញាតឲ្យមានលំហូរខ្យល់ត្រជាក់ហូរចូល។
អនុប្រធានជាន់ខ្ពស់នៃ Infrastructure Data Centers របស់ Facebook លោក Thomas Furlong បានមានប្រសាសន៍ថា៖ "មជ្ឈមណ្ឌលទិន្នន័យរបស់ Facebook នឹងរក្សាទុកទិន្នន័យរូបភាពនិងវីដេអូដែលអ្នកបានឃើញរៀងរាល់ថ្ងៃ ខណៈកំណើនអ្នកប្រើប្រាស់នៅអាស៊ីបន្តកើនឡើងឥតឈប់ឈរ ជាហេតុធ្វើឲ្យមជ្ឈមណ្ឌលទិន្នន័យមួយនេះនឹងអាចបម្រើសេវាកម្មដល់អ្នកប្រើប្រាស់កាន់តែប្រសើរ"។
មានហេតុផលចម្បង ២ ជួយឲ្យផែនការណ៍មួយនេះសម្រេចទៅបាន ទីមួយដោយសារសិង្ហបុរីជាប្រទេសមានហេដ្ឋារចនាសម្ព័ន្ធនិងបណ្ដាញខ្សែកាបអុបទិកស្រាប់ មួយផ្សេងទៀតប្រទេសនេះឈរលើគោលការណ៍អាជីវកម្មដូចបានកំណត់របស់ Facebook មានបញ្ជាក់ក្នុងសេចក្ដីថ្លែងការណ៍។
បញ្ជាក់ថា Data Center ក្នុងប្រទេសសិង្ហបុរីនឹងបើកដំណើរការនាឆ្នាំ ២០២២ ដោយជាមជ្ឈមណ្ឌលទី ១៥ ទូទាំងសកលលោកនិងដំបូងបំផុតប្រចាំតំបន់អាស៊ី។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
រថយន្តវៀតណាមត្រៀមឡើងផ្សារអន្តរជាតិ បង្ហាញមុខមាត់ពិតហើយ
មួយទៀតហើយ! តារាបូលីវូដល្បីយក iPhone ផ្សាយពី Google Pixel 2 XL