ទស្សនិកជនប្រហោងពោះស្ទើរគ្រប់វិនាទី ព្រោះក្បាច់សម្ដែងសែនគ្រោះថ្នាក់របស់ប្ដីប្រពន្ធ១គូនេះ

2018-09-07 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្បាច់ពត់ពែនខ្លួនរបស់ប្ដីប្រពន្ធដែលជាដៃគូសម្ដែងសៀក Duo Transcend ពិតជាធ្វើឲ្យគ្រប់គ្នាប្រហោងពោះស្ទើរមិនលស់ពេល ដោយសារគ្រប់ឈុតនោះសុទ្ធតែបង្កប់ភាពគ្រោះថ្នាក់។

ពីមួយវគ្គទៅមួយវគ្គ Duo Transcend កាន់តែបង្ហាញចេញនូវក្បាច់ពិសេសៗ ស្របពេលវគ្គប្រកួតកាន់តែស៊ីសាច់ហុតឈាម។ ស្ថិតក្នុងសប្ដាហ៍ដំបូងនៃវគ្គពាក់កណ្ដាលផ្ដាច់ព្រ័ត្រ បេក្ខភាព ២នាក់នេះបានសម្ដែងយោលខ្លួនលើទោង គ្រវីគ្រវាត់ចុះឡើង ធ្វើឲ្យអ្នកមើលនៅពីមុខស្ញើបពោះគ្រប់គ្នា ព្រោះបើភ្លាត់តែបន្តិច ពួកគេនឹងអាចធ្លាក់មកមានគ្រោះថ្នាក់។

បន្ទាប់មកទៀតដល់វគ្គពាក់ស្បែកជើងស្គីរាំពត់ពែនលើឆាកព័ទ្ធជុំវិញដោយភ្លើងវិញម្ដង ក៏រឹតតែគ្រោះថ្នាក់ ព្រោះខាងតូប្រុសត្រូវលើកតួស្រីគ្រវីខ្លួនពេញឆាក។ បើទប់មិនជាប់នោះ គ្រោះថ្នាក់ក៏នឹងកើតមានជាយថាហេតុដែរ។

ទស្សនាការសម្ដែងដូចខាងក្រោម៖

ជាលទ្ធផល Duo Transcend ក៏បានជាប់ទៅវគ្គបន្ត មានន័យថាពួកគេនឹងត្រូវត្រៀមខ្លួនទៅប្រកួតជាមួយបេក្ខជនផ្សេងទៀតនៅវគ្គ ផ្ដាច់ព្រ័ត្រ ដើម្បីរកជើងខ្លាំងប្រចាំរដូវកាលថ្មី៕

អត្ថបទ៖ យី សុធារី