កម្សត់ស្រក់ទឹកភ្នែក "បញ្ចាំចិត្ត" រៀបរាប់ពីនារីម្នាក់រង់ចាំផ្លូវសង្សារដែលភ្លេចសន្យារហូតដល់ស្លាប់
- 2018-09-08 03:10:07
- ចំនួនមតិ 0 | ចំនួនចែករំលែក 0
កម្សត់ស្រក់ទឹកភ្នែក "បញ្ចាំចិត្ត" រៀបរាប់ពីនារីម្នាក់រង់ចាំផ្លូវសង្សារដែលភ្លេចសន្យារហូតដល់ស្លាប់
ចន្លោះមិនឃើញ
ចម្រៀងក្នុងសាច់រឿង (OST) សំនៀងរបស់តារាវតី ក្នុងបទ "បញ្ចាំចិត្ត" ពិតជាអង្រួនអារម្មណ៍អ្នកស្តាប់ឲ្យខ្លោចផ្សារ ស្រស់ទឹកភ្នែកទៅតាមអត្ថន័យសាច់រឿងដ៏កម្សត់របស់តួអង្គនាង សូរីយា ដែលទន្ទឹងចាំផ្លូវសង្សារបណ្តូលចិត្តរហូតគាំគ្រាដល់ស្លាប់ ដោយបន្សល់ទុកនូវកូនប្រុសម្នាក់។
សូរីយា គឺជានារីកំព្រាម្នាក់ ត្រូវបានលោក សួន ជាចៅហ្វាយស្រុកសេរីសោភ័ណ ចាប់ចិត្តប្រតិព័ទ្ធរំលងប្រពៃណី រហូតមានផ្ទៃពោះ។ ក្រោយមកលោក សួន ត្រូវរាជការផ្លាស់ទៅនៅភ្នំពេញ ចាកចេញពី សូរីយា ឲ្យនៅកណ្តោចកណ្តែងតែម្នាក់ឯង ដោយទុកចិញ្ចៀនបញ្ចាំចិត្តមួយវង់ឲ្យនាង ហើយសន្យាថានឹងត្រឡប់មករកនារីជនបទនេះវិញ។
អ្វីៗបានត្រឹមជាពាក្យសន្យាប៉ុណ្ណោះ នារីកំព្រា សូរីយា បានត្រឹមរង់ចាំផ្លូវលោកចៅហ្វាយស្រុកវិលវិញទាំងចិត្តផ្សារ ព្រោះលោក សួន ត្រូវរៀបការជាមួយនារីផ្សេងតាមបំណងម្តាយ។ក្រោយទទួលដំណឹងនេះ សូរីយា ធ្លាក់ខ្លួនឈឺរីងរៃ រហូតដល់ស្លាប់ ដោយបន្សល់ទុកឈាមមួយតំណក់ សល់ពីកំហុសស្នេហ៍ក្រៅតម្រា។
"បញ្ចាំចិត្ត" និពន្ធឡើងដើម្បីដាក់បញ្ចូលនៅក្នុងភាគយន្តភាគរឿង "សូផាត" ដែលបទនេះច្រៀងដោយ កញ្ញា តារាវតី និពន្ធទំនុកច្រៀងដោយ Karram និងសម្រួលភ្លេងដោយ អិន សំណាង។
ភាពយន្តភាគដែលបំលែងចេញពីប្រលោមលោកដ៏ល្បីល្បាញរបស់អ្នកនិពន្ធ រីម គីន មានដាក់ឲ្យ ទស្សនានៅលើ App Soyoដោយសេរី ១២ភាគដំបូង រៀងរាល់ថ្ងៃសុក្រ និងសៅរ៍ ចាប់ពីថ្ងៃទី៧ ខែកញ្ញានេះតទៅ។ មាន Soyo ឬនៅ? បើមិនទាន់មាន ប្រិយមិត្តអាចទាញយក Soyo ដោយឥតគិតថ្លៃ តាមតំណខាងក្រោមនេះ៖
App Store: https://goo.gl/Fzx11s Play Store: https://goo.gl/fgJbtB