iPhone អេក្រង់ធំបំផុតក្នុងប្រវត្តិសាស្ត្រ អាចនឹងប្រើឈ្មោះប្លែកបំផុត
- 2018-09-07 07:25:38
- ចំនួនមតិ 0 | ចំនួនចែករំលែក 0
iPhone អេក្រង់ធំបំផុតក្នុងប្រវត្តិសាស្ត្រ អាចនឹងប្រើឈ្មោះប្លែកបំផុត
ចន្លោះមិនឃើញ
iPhone បីម៉ូដែលដែលគេរំពឹងថា Apple ប្រកាសចេញនៅថ្ងៃទី ១២ ខែកញ្ញាខាងមុខ មានទំហំអេក្រង់ខុសៗគ្នា មានអេក្រង់ទំហំ ៥,៨ អ៊ីញ/៦,១ អ៊ីញ និង ៦,៥ អ៊ីញ។
៦,៥ អ៊ីញជាទំហំអេក្រង់ធំបំផុតក្នុងប្រវត្តិសាស្ត្រ iPhone ដែលមានអាយុកាល ១០ ឆ្នាំនេះ។ វិបសាយ 9to5Mac បានចេញផ្សាយថា iPhone អេក្រង់ធំនេះនឹងប្រើប្រាស់ឈ្មោះថា "iPhone XS Max” ជំនួសឲ្យការប្រើពាក្យ Plus ដូចឆ្នាំមុនៗ។
ឈ្មោះថ្មីនេះត្រូវបានគេដឹងតាមរយៈបុគ្គលពីររូបដែលដឹកស៊ីជម្រៅពីការដើរទីផ្សាររបស់ Apple។ 9to5Mac ជាវិបសាយដែលធ្លាប់បានបញ្ចេញរូបរាងផ្លូវការដំបូងនៃ iPhone ជំនាន់ថ្មី និងបញ្ជាក់ពីឈ្មោះ iPhone XS។
iPhone បីម៉ូដែលមានមួយម៉ូដែលតម្លៃធូរថ្លៃប្រើប្រាស់អេក្រង់ LCD តួខ្លួនផលិតពីអាលុយមីញ៉ូម។ ចំណែកពីរម៉ូដែលទៀតមានប្រើប្រាស់អេក្រង់ OLED តម្លៃថ្លៃ មានតួខ្លួនផលិតពីដែកអ៊ីណុក (Stainless Steel)៕