១៥សន្លឹកនៃវត្ត Rong Khun នៅថៃ ប្រៀបដូចឋានសួគ៌ និងឋាននរកនៅជាមួយគ្នា
- 2018-09-08 03:49:20
- ចំនួនមតិ 0 | ចំនួនចែករំលែក 0
១៥សន្លឹកនៃវត្ត Rong Khun នៅថៃ ប្រៀបដូចឋានសួគ៌ និងឋាននរកនៅជាមួយគ្នា
ចន្លោះមិនឃើញ
វត្ត Rong Khun ឬគេហៅថា White Temple នៅក្នុងប្រទេសថៃ ត្រូវបានកសាងឡើងដោយគំនិតដ៏សាមញ្ញមួយ។ អ្នកបង្កើតវត្តនេះឡើង គឺជាវិចិត្រករដែលបានបញ្ចប់ការសិក្សាពីសាលាវិចិត្រសិល្បៈថៃ លោក Chalermchai Kositpipat ដោយចង់ធ្វើឲ្យវាក្លាយជាវត្តដ៏ស្រស់ស្អាតបំផុតនៅលើពិភពលោក។
ប្រាកដណាស់ អ្នកដែលបោះជំហានដើរចូលទៅក្នុងវត្តនេះ នឹងចេញមកវិញដោយមានអារម្មណ៍ប្លែក។ នៅលើភពផែនដីនេះ គ្មានកន្លែងណាផ្សេង ដូចវត្ត Rong Khun ឡើយ។ នៅពេលអ្នកឈរនៅមុខវត្តនេះ អ្នកនឹងមើលឃើញដៃជាច្រើនស្រវាបោះមក តាមសងខាងនៃផ្លូវដើរ។ ផ្ទុយទៅវិញ នៅពេលដែលអ្នកឆ្លងកាត់ស្ពាន «ឋាននរក» នោះរួច អ្នកនឹងត្រូវបានស្វាគមន៍ដោយរូបសំណាកសេនាឋានសួគ៌។
នៅត្រង់ចំណុចនេះ អ្នកមិនអាចងាកត្រលប់ក្រោយវិញបានឡើយ គឺមានតែឆ្ពោះទៅមុខប៉ុណ្ណោះ។ វាជានិមិត្តរូបនៃការឆ្លងកាត់ស្ពានពី «ឋាននរក» ទៅ «ឋានសួគ៌»។ ចំណែកឯផ្នែកខាងក្នុងវត្ត Rong Khun វិញ គឺពោរពេញទៅដោយសេចក្ដីយោងវប្បធម៌សម័យទំនើប ដែលទាក់ទងនឹងរូបភាពព្រះពុទ្ធសាសនាតាមបែបប្រពៃណី៕
ចុចអាន៖