មួយឃ្លារបស់ Honda នេះប្រាកដជាធ្វើឲ្យអ្នកគាំទ្រស្ងប់ចិត្ត

2018-09-09 05:44:01
ចំនួនមតិ 0 | ចំនួនចែករំលែក 0

ចន្លោះមិនឃើញ

«បើខ្ញុំគ្មានជំនឿចិត្ត។ ខ្ញុំមិនមកដឹកនាំកម្ពុជាទេ ព្រោះការដឹកនេះកម្ពុជាមានហានិភ័យខ្ពស់ណាស់»។ ជាសម្ដីរបស់អ្នកចាត់ការក្រុមគោព្រៃកម្ពុជា Keisuke Honda ក្នុងកម្មវិធីសន្និសីទកាសែតព្រឹកមិញនេះនៅសណ្ឋាគារភ្នំពេញ។

Keisuke Honda

អ្នកចាត់សញ្ជាតិជប៉ុនរូបនេះបានឲ្យដឹងថា វាមិនមែនជារឿងងាយស្រួលឡើយ ក្នុងការដឹកនេះកម្ពុជាឲ្យឆ្ពោះទៅរកភាពជោគជ័យក្នុងរយៈពេលខ្លី។ លោកមានគំនិតតែមួយប៉ុណ្ណោះ ក្នុងការចូលខ្លួនមកកាន់ជាអ្នកដឹកនាំក្រុមគោព្រៃគឺ ធ្វើយ៉ាងណាជួយវិស័យបាល់ទាត់កម្ពុជាឲ្យទៅមុខ។ លោកក៏បានធ្វើការផ្ដាំផ្ញើទៅកាន់អ្នកគាំទ្រគ្រប់គ្នា បាល់ទាត់មិនមែនធ្វើមួយខែពីរខែអាចឈានដល់ចំណុចខ្ពស់នោះទេ ពោលគឺត្រូវការពេលវេលាវែងដើម្បីសន្សំពីមួយថ្ងៃទៅមួយថ្ងៃទើបអាចខិតទៅរកចំណុចដែលចង់បាន។ លោកបានសន្យាថា អំឡុងពីរឆ្នាំដែលលោកកាន់ក្រុមកម្ពុជា នឹងប្រឹងប្រែងឲ្យអស់ពីលទ្ធភាព ដើម្បីជួយអភិវឌ្ឍន៍វិស័យបាល់ទាត់កម្ពុជា។

ជំនួបស្អែកនេះកម្ពុជា នឹងត្រូវជួបក្រុមម៉ាឡេស៊ីវេលាម៉ោង ៦:៣០ នាទីល្ងាចនៅពហុកីឡដ្ឋានជាតិ ដែលជាការប្រកួតមិត្តភាពអន្តរជាតិលើកដំបូងក្រោមការដឹកនាំរបស់ Keisuke Honda ៕