Zidane ថានឹងត្រឡប់ទៅដឹកនាំវិញឆាប់ៗជាមួយក្លឹបនៅ Premier League
- 2018-09-10 01:30:07
- ចំនួនមតិ 0 | ចំនួនចែករំលែក 0
Zidane ថានឹងត្រឡប់ទៅដឹកនាំវិញឆាប់ៗជាមួយក្លឹបនៅ Premier League
ចន្លោះមិនឃើញ
អតីតអ្នកចាត់ការ Real Madrid និងជយលាភីពាន Champions League ៣សម័យកាលលោក Zinedine Zidane បានបង្ហើបថាមិនយូរមិនឆាប់នឹងវិលទៅដឹកនាំក្លឹបអាជីពវិញ។
បុរសសញ្ជាតិបារាំងត្រូវក្លឹបយក្សរបស់ Premier League គឺ Manchester United ធ្វើការទាក់ទងក្រោយផ្ដាច់ទំនាក់ទំនងជាមួយ Real នៅចុងរដូវកាល ២០១៧-១៨ កន្លងទៅ។ Zidane បានលាឈប់តែប៉ុន្មានថ្ងៃប៉ុណ្ណោះក្រោយជួយក្រុមជើងខ្លាំងអេស្ប៉ាញលើកពានទ្វីបអឺរ៉ុបជាលើកទី៣។
អ្នកចាត់ការវ័យ៤៦ឆ្នាំអាចនឹងទៅ United ដោយសារបច្ចុប្បន្ន Jose Mourinho កំពុងស្ថិតនៅក្រោមសម្ពាធពីអ្នកគាំទ្រនិងម្ចាស់ក្លឹបក្រោយដឹកនាំក្រុមមិនសូវល្អសោះ។ សួរពាក់ព័ន្ធនឹងអនាគត Zidane និយាយថា៖ ប្រាកដណាស់ខ្ញុំនឹងត្រឡប់ទៅដឹកនាំក្រុមណាមួយឆាប់ៗនេះ។ ការងារនេះគឺជាចំណូលចិត្តរបស់ខ្ញុំ វាជាអ្វីដែលខ្ញុំតែងធ្វើនៅក្នុងជីវិត។
ងាកទៅមើល Mourinho វិញក្រោយ៤ប្រកួតកន្លងមកលោកដឹកនាំ Man Utd ចាញ់២ប្រកួតទៅហើយ។ បុរសសញ្ជាតិព័រទុយហ្គាល់កំពុងមានទំនាក់ទំនងមិនល្អជាមួយម្ចាស់ក្លឹបអាចនឹងមានការរង្គោះរង្គើតំណែងបើសិនបន្តចាញ់នៅប្រកួតក្រោយៗទៀត៕