ច្បាស់ការហើយ តារាចម្រៀង Charlie Puth នឹងត្រៀមខ្លួនមកអង្រួនឆាកតន្ត្រីខ្មែរ ឆាប់ៗនេះ
- 2018-09-10 03:00:02
- ចំនួនមតិ 0 | ចំនួនចែករំលែក 0
ច្បាស់ការហើយ តារាចម្រៀង Charlie Puth នឹងត្រៀមខ្លួនមកអង្រួនឆាកតន្ត្រីខ្មែរ ឆាប់ៗនេះ
ចន្លោះមិនឃើញ
នៅថ្ងៃទី ១០ ខែកញ្ញានេះ តាមរយៈការផ្សាយផ្ទាល់ពី Facebook Page ផ្លូវការរបស់ Smart Axiata បានធ្វើកម្មវិធីប្រកាសពីអត្តសញ្ញាណរបស់តារាអន្តរជាតិមួយរូបដែល ត្រៀមខ្លួនមកអង្រួនឆាកតន្ត្រីរបស់ Smart Mega Concert សាជាថ្មី។
កម្មវិធីប្រកាសអត្តសញ្ញាណនេះដែរ បានប្រារព្ធឡើងនៅក្នុងសណ្ឋាគារសូហ្វីតែល ដែលចាប់ផ្ដើមធ្វើការផ្សាយផ្ទាល់ចាប់ពីម៉ោង ៩ព្រឹក ដល់ម៉ោង ១០ និង ៣០នាទី។ កាលពីឆ្នាំទៅ អ្នកគាំទ្រវិស័យចម្រៀងប្រចាំប្រទេសកម្ពុជា ទទួលភាពភ្ញាក់ផ្អើលជាខ្លាំងម្ដងរួចមកហើយ ខណៈខាងក្រុមហ៊ុន Smart បានប្រកាសថា តារាចម្រៀង CL នឹងមកធ្វើការប្រគំតន្ត្រីក្នុងប្រទេសកម្ពុជានោះ។
ក្នុងឆ្នាំនេះដែរ មិនខុសពីឆ្នាំមុនប៉ុន្មាននោះទេ អ្នកគាំទ្រមានភាពសប្បាយរីករាយជាខ្លាំង នៅពេលដែលក្រុមហ៊ុនមួយនេះ បានប្រកាសថា តារាអន្តរជាតិដែលនឹងមកអង្រួនឆាកតន្ត្រីបន្ទាប់គឺជា តារាចម្រៀងដ៏ល្បី Chalie Puth។
គួរបញ្ជាក់ដែរថា តារាចម្រៀង Chalie Puth នឹងមកធ្វើការប្រគំតន្ត្រីក្នុងប្រទេសកម្ពុជានៅថ្ងៃទី០២ ខែ វិច្ឆិកា ឆ្នាំ២០១៨ ខាងមុខនេះ៕