ទម្លាយរឿងពិតទាំង ៧របស់ Charlie Puth អ្នកគាំទ្រគួរដឹង និងមិនអាចរំលង
- 2018-09-10 04:10:00
- ចំនួនមតិ 0 | ចំនួនចែករំលែក 0
ទម្លាយរឿងពិតទាំង ៧របស់ Charlie Puth អ្នកគាំទ្រគួរដឹង និងមិនអាចរំលង
ចន្លោះមិនឃើញ
Chalie Puth គឺជាតារាចម្រៀងអាមេរិកដែលទទួលបានក្ដីស្រឡាញ់ជាច្រើនពីសំណាក់អ្នកគាំទ្រជុំវិញពិភពលោក ដោយសារទឹកដមសំឡេងរបស់លោក។ ក្រៅពីជ្រាបពីភាពជោគជ័យ និងព័ត៌មានបើកចំហជាច្រើនរបស់តារាប្រុសរូបនេះ មានមនុស្សមិនតិចទេចង់ដឹងពីរឿងរ៉ាវពិត ពីក្រោយកញ្ចក់កាមេរ៉ា។
១. កំណើតដើម
Charlie មានឈ្មោះពិត Charles Otto Puth Jr កើតថ្ងៃទី ០២ ខែធ្នូ ឆ្នាំ ១៩៩១ ក្នុង Rumson រដ្ឋ New Jersey សហរដ្ឋអាមេរិក។ តារានិកររបស់លោក គឺ Sagittarius ដូចគ្នានឹង Taylor Swift និង Nicki Minaj ដែរ។
២. បងប្អូនបង្កើត
លោកមានប្អូនភ្លោះ ២នាក់ គឺ Mikaela និង Stephen Puth កើតនៅថ្ងៃទី ១៣ ខែមេសា ឆ្នាំ ១៩៩៤។
៣. អាថ៌កំបាំងចិញ្ចើមឆែប
ចំណុចទាក់ទាញជាងគេរបស់ Charlie គឺត្រង់ចិញ្ចើម។ ឃើញសភាពចិញ្ចើមបែបនេះ មនុស្សមួយគិតថាប្រហែលនេះជាស្ទីលប្រចាំខ្លួន ប៉ុន្តែតាមពិតនោះ គឺដោយសារលោកត្រូវឆ្កែខាំ កាលអាយុ ២ឆ្នាំ។ កាលនោះក្មេងតូច Charlie ត្រូវដរ ៤០០ថ្នេរឯណោះ ប៉ុន្តែយ៉ាងណាសព្វថ្ងៃលោកនៅតែសង្ហា ទោះចិញ្ចើមឆែបក៏ដោយ។
៤. ចាប់ផ្ដើមជំហានដំបូង តាមរយៈ YouTube
Chalie បានចាប់ផ្ដើមអាជីពផ្នែកតន្ត្រីក្នុងឆ្នាំ ២០០៩ តាមរយៈ Channel YouTube។ ពីមួយថ្ងៃទៅមួយថ្ងៃ ប្រជាប្រិយភាពរបស់តារាប្រុសរូបនេះកាន់តែកើនឡើង នៅពេលលោកបង្ហោះវីដេអូបែបកំប្លែង និងការច្រៀង Cover បទចម្រៀងជាច្រើន។
៥. ការសិក្សា
តារាប្រុសរូបនេះ ចេះលេងព្យ៉ាណូតាំងពីអាយុ ៤ឆ្នាំ។ ដោយសារមានដុងខ្លាំង ទើបលោកបានសិក្សាជំនាញតន្ត្រីពីសាលា Manhattan School of Music Pre-College។ ក្រោយចាប់យកវគ្គសិក្សាជំនាញលេងព្យ៉ាណូ Charlie កាន់តែស្ទាត់បំផុតជាមួយឧបករណ៍ភ្លេងនេះ ហើយជារឿយៗ ក្នុងការប្រគំតន្ត្រីលោកតែងច្រៀង និងលេងព្យ៉ាណូផ្ទាល់ជូនជាពិសេសសម្រាប់អ្នកគាំទ្រ។
៦. ស្ទីលស្លៀកពាក់
Charlie ជាតារាប្រុសម្នាក់ដែល ជ្រើសស្ទីលតុបតែងខ្លួនបែបសាមញ្ញខុសពីតារាល្បីដទៃទៀត។ជាទូទៅ លោកពាក់អាវយឺតធម្មតា ខោខោវប៊យ និងស្បែកជើងប៉ាត់តាធម្មតាៗ។
៧. Charlie លូតលាស់ជាមួយប្រភេទតន្ត្រីដែលមានលក្ខណៈពិសេសជាងគេ
គ្រប់បទចម្រៀងដែលលោកបានច្រៀង Charlie តែងគិតគូរ និងផ្ដល់ការគោរពចំពោះឪពុកម្ដាយលោកជានិច្ច។ រសជាតិនៃតន្ត្រីរបស់លោក ពិតជាមានលក្ខណៈពិសេសខុសគេ ដែលធ្វើឲ្យអ្នកស្ដាប់លង់ និងពេញចិត្តបំផុត។