គ្រូម៉ាឡេស៊ីជឿថា ប៉ះទម្រង់លេងថ្មីរបស់កម្ពុជានៅ Suzuki Cup មិនងាយស្រួលទេ
- 2018-09-11 03:53:14
- ចំនួនមតិ 0 | ចំនួនចែករំលែក 0
គ្រូម៉ាឡេស៊ីជឿថា ប៉ះទម្រង់លេងថ្មីរបស់កម្ពុជានៅ Suzuki Cup មិនងាយស្រួលទេ
ចន្លោះមិនឃើញ
លោក Tan Cheng គ្រូបង្វឹករបស់ក្រុមម៉ាឡេស៊ីបានសរសើរទម្រង់លេងរបស់កម្ពុជាលេងល្អ បើទោះពួកគេយកឈ្នះកម្ពុជា ៣-១ក្នុងជំនួបមិត្តភាពអន្តរជាតិយប់មិញនៅពហុកីឡដ្ឋានជាតិក្ដី។
គ្រូបង្វឹករូបនេះបានឲ្យដឹងថា ពួកគេនឹងពិបាកលេងតទល់ជាមួយកម្ពុជានា ការប្រកួត Suzuki Cup 2018 ខាងមុខនេះ ដោយសារទម្រង់លេងថ្មីរបស់ Honda ។ ដោយឡែកសម្រាប់ទម្រង់លេងរបស់កម្ពុជាយប់មិញលោកមើលឃើញថាល្អ ប៉ុន្តែមានចំណុចខ្លះដែលកីឡាករកម្ពុជាមិនទាន់ធ្វើតាមការចង់បានទាំងស្រុងរបស់គ្រូបង្វឹក។
លោកបានបន្ថែមថា អ្នកណាក៏ដឹងដែរថា ទម្រង់លេងថ្មីជាមួយគ្រូថ្មី ប្រាកដណាស់កីឡាករ នឹងពិបាកធ្វើតាមបានក្នុងរយៈពេលខ្លីបែបនេះ។ Honda បានចូលខ្លួនបង្ហាត់កីឡាករកម្ពុជាដោយផ្ទាល់ត្រឹម ១ សប្ដាហ៍មុនការប្រកួត។ ជាងនេះទៅទៀតចំណុចពិសេសដែល Honda ប្រើយប់មិញគឺកីឡាករព្យាយាមលេខខ្លីៗ និងលឿន ហើយកីឡាករព្យាយាមដេញបាល់គ្នាច្រើន ពោលគឺម្ដងពីរឬបីនាក់ នៅពេលបាត់បាល់ ដែលនេះជាចំណុចថ្មីមួយរបស់ទម្រង់លេងកម្ពុជា។
សម្រាប់ជំនួបនៅ Suzuki Cup កម្ពុជាស្ថិតនៅពូល A ជាមួយម៉ាឡេស៊ី វៀតណាម មីយ៉ាន់ម៉ា និងឡាវ ដែលការប្រកួត នឹងចាប់ផ្ដើមថ្ងៃទី៨ ខែវិច្ឆិកា ឆ្នាំ២០១៨ ៕