ច្បាស់ការ! Minho នឹងសម្ដែងរឿងថ្មីជាមួយកំពូលតារាហូលីវូដ Megan Fox

2018-09-11 04:25:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានថ្មីទៀតហើយទាក់ទងនឹងភាពយន្តថ្មីរបស់កំលោះសង្ហា Minho សមាជិកក្រុម SHINee។

តាមអ្វីដែលទទួលបានថ្មីៗនេះ បានបញ្ជាក់ថា តារាប្រុសរូបនេះនឹងបង្ហាញវត្តមានសម្ដែងក្នុងរឿងខ្នាតធំថ្មីមានចំណងជើងថា "Jangsa-ri 9.15”។ តាមរយៈរឿងនេះ Minho នឹងសម្ដែងជាមួយ តារាសម្ដែងជើងចាស់ Kim Myungmin និងតារាហូលីវូដ Megan Fox។

Minho, Megan Fox និង Kim Myungmin

ថ្ងៃទី ១១ ខែកញ្ញានេះ ប្រភពគួរឲ្យទុកចិត្តមួយបានបើកចំហប្រាប់បណ្ដាញសារព័ត៌មានថា តារាប្រុសស្រី ៣រូបខាងលើ នឹងដើរជាតួសំខាន់របស់រឿង។ ភាពយន្តមានចំណងជើង “Jangsa-ri 9.15” Minho នឹងត្រូវសម្ដែងជាតួសិស្សទាហាន។

មួយវិញទៀតសម្រាប់តួសម្ដែងទាំងអស់ នឹងមកជួបជុំគ្នាចាប់ផ្ដើមការងារថតនៅខែ តុលា ព្រមទាំងគ្រោងនឹងបញ្ចាំងនៅតាមរោងកុន នៅឆ្នាំក្រោយ។

ប្រជាប្រិយភាពរបស់តារាប្រុសរាងខ្ពស់សង្ហា Choi Minho កាន់តែកើនឡើង មិនចាញ់វិស័យចម្រៀងប៉ុន្មានឡើយ។ មិនយូរមិនឆាប់ លោកនឹងវិលមកជាថ្មីជាមួយស្នាដៃសម្ដែងថ្មី ពិសេសជាមួយតារាហូលីវូដទៀត៕

ប្រភព៖ kstarlive ប្រែសម្រួល៖ យី សុធារី