សាន ស៊ីណា កូនខ្មែររស់នៅអាមេរិក ជាប់ជម្រើសដណ្ដើមពានរង្វាន់ Emmy Award ឆ្នាំ ២០១៨ ទៀត
- 2018-09-11 09:56:49
- ចំនួនមតិ 0 | ចំនួនចែករំលែក 0
សាន ស៊ីណា កូនខ្មែររស់នៅអាមេរិក ជាប់ជម្រើសដណ្ដើមពានរង្វាន់ Emmy Award ឆ្នាំ ២០១៨ ទៀត
ចន្លោះមិនឃើញ
នេះជាលើកទី ៣ ហើយដែល អ្នកនាង សាន ស៊ីណា សិល្បករដឹកនាំការផលិត វីដេអូ Special Effect ឬ Vfx ជនជាតិខខ្មែរជាប់ជម្រើសដណ្ដើមពានរង្វាន់ Emmy Award ឬ Nominee of Emmy Award ដែលកាលពីឆ្នាំ ២០១៧ សិល្បកររូបនេះទើបតែឈ្នះលើគម្រោងភាពយន្តទូរទស្សន៍ «Gotham» របស់អាមេរិក។
ពានរង្វាន់ Emmys ជាពានកិត្តិយស និងមានតម្លៃបំផុត ក្នុងវិស័យភាពយន្តផ្នែកទូរទស្សន៍ ហើយវាក៏ជាពានសម្រាប់ ជាការលើកកម្ពស់ និងឱ្យតម្លៃលើសិល្បករ អ្នកដឹកនាំរឿង ស្មើនឹងបណ្ដាពានរង្វាន់ពិភពលោកមួយចំនួន ពិសេសដូចពានរង្វាន់ Oscar ដែលសិល្បករ ផលិតករ អ្នកដឹកនាំរឿងគ្រប់គ្នាស្រមៃចង់បាន ហើយមានអ្នកព្យាយាមជាច្រើនបរាជ័យរាប់ឆ្នាំមុនទទួលបានពានរង្វាន់នេះមួយ ឬក៏មិនទាន់បានម្ដងផង។
នេះជាកិត្តិយសសម្រាប់កម្ពុជា ដែលសិល្បករសញ្ជាតិខ្មែរកើតក្នុងជំរំ តស៊ូក្នុងជីវិត ព្យាយាមសិក្សារៀនសូត្រកសាងស្នាដៃ រហូតទទួលបានកិត្តិយស និងភាពល្បីល្បាញក្នុងវិស័យឧស្សាហកម្មភាពយន្ត។ អ្នកនាងថែទាំងបាននាំយកឈ្មោះកម្ពុជាបង្ហាញលើឆាកអន្តរជាតិតាមរយៈភាពជោគជ័យលើស្នាដៃល្អឥតខ្ចោះលើការផលិតភាពយន្តលើទូរទស្សន៍របស់អន្តរជាតិ៕