ប្រកួតទី១០០របស់ Rakitic ឲ្យក្រូអាតរងលទ្ធផលចុកឈាម
- 2018-09-12 01:56:03
- ចំនួនមតិ 0 | ចំនួនចែករំលែក 0
ប្រកួតទី១០០របស់ Rakitic ឲ្យក្រូអាតរងលទ្ធផលចុកឈាម
ចន្លោះមិនឃើញ
Ivan Rakitic លេងប្រកួតគម្រប់ទី១០០របស់ខ្លួនឲ្យក្រូអាតចំពេលប៉ះអេស្ប៉ាញតែយ៉ាងណាក្រុមជម្រើសជាតិរបស់គេបានបរាជ័យយ៉ាងធ្ងន់ធ្ងររហូតដល់ ៦ទល់នឹង០នៅពាន Nationals League។
៦គ្រាប់របស់អេស្ប៉ាញរកបានដោយកីឡាករ Saul Niguez នៅនាទី២៤, Asensio នៅនាទី៣៣, Rodrigo នៅនាទី៤៩, Sergio Ramos នៅនាទី៥៧, Isco នៅនាទី៧០ និងមួយគ្រាប់ទៀតជាបាល់ចូលទីខ្លួនឯហរបស់កីឡាករក្រូអាត។
Rakitic ជាប់ជម្រើសជាតិរយៈពេល១១ឆ្នាំ និង៣ថ្ងៃហើយចាប់តាំងពីខ្សែបម្រើ Barcelona រូបនេះលេងប្រកួតដំបូងបំផុតទល់នឹងអេស្តូនីក្នុងប្រកួតជម្រុះ Euro ២០០៨។
តារាឆ្នើមវ័យ៣០ឆ្នាំក្លាយជាកីឡាករក្រូអាតទី៨ដែលលេង១០០ប្រកួតឲ្យជម្រើសជាតិបន្ទាប់ពីរៀមច្បង Dario Simic, Corluka, Olic, Simunic, Pletikosa, Modric និង Darijo Srna។ ក្នុងចំណោមកីឡាករទាំងអស់នេះ Darijo Srna គឺលេងឲ្យក្រូអាតច្រើនជាងគេចំនួន១៣៤ប្រកួត៕