រង់ចាំមើលទាំងអស់គ្នា! ថ្ងៃនេះក្រសួងអប់រំ ចាប់ផ្ដើមដោះស្រាយបញ្ហាជូនសិស្សបាក់ឌុបហើយ
- 2018-09-12 02:16:16
- ចំនួនមតិ 0 | ចំនួនចែករំលែក 0
រង់ចាំមើលទាំងអស់គ្នា! ថ្ងៃនេះក្រសួងអប់រំ ចាប់ផ្ដើមដោះស្រាយបញ្ហាជូនសិស្សបាក់ឌុបហើយ
ចន្លោះមិនឃើញ
ក្រសួងអប់រំយុវជន និងកីឡា បានចាប់ផ្ដើមបង្កើតគណៈកម្មការធ្វើកោសល្យវិច័យលើបណ្ដឹងរបស់សិស្សដែលប្រឡងមធ្យមសិក្សាទុតិយភូមិឆ្នាំ២០១៨ និងចាប់ផ្ដើមដោះស្រាយនូវរាល់បណ្ដឹងរបស់បេក្ខជនចាប់ពីថ្ងៃទី១២ ខែកញ្ញា ឆ្នាំ២០១៨នេះតទៅ។ នេះបើតាមអ្នកនាំពាក្យរបស់ក្រសួងអប់រំ លោក ឌី ខាំបូលី បានថ្លែងប្រាប់បណ្ដាញព័ត៌មានក្នុងស្រុកមួយ។
រហូតមកដល់ពេលនេះ ក្រសួងអប់រំយុវជន និងកីឡា បានទទួលពាក្យបណ្ដឹងតវ៉ារបស់បេក្ខជនចំនួន ជាង២០០បណ្ដឹងហើយ។ ចំពោះលទ្ធផលយ៉ាងណានោះ ក្រសួងមិនទាន់អាចប្រាប់បានឡើយ ប៉ុន្តែមន្ត្រីទាំងអស់នឹងខិតខំធ្វើទៅលើកិច្ចការនេះតាមលទ្ធភាព។
បន្ទាប់ពីការប្រកាសលទ្ធផលប្រឡងមធ្យមសិក្សាទុតិយភូមិឆ្នាំ២០១៨មក បេក្ខជនប្រឡង និងមហាជនទូទៅមានការភ្ញាក់ផ្អើលនឹងលទ្ធផលរបស់ពួកគេ។ ជាពិសេសទៅលើមុខវិជ្ជាគណិត ហាក់មានភាពខុសប្រក្រតី សូម្បីជយលាភីមេដាយមាស ឆាយ លីអាន ធ្លាប់ប្រកួតប្រជែងដល់សិង្ហបុរី ម៉ាឡេស៊ី និងរ៉ូម៉ាន់នីក៏ប្រឡងធ្លាក់ទៅលើមុខវិជ្ជានេះដែរ។
បេក្ខជនជាច្រើននាក់នៅតែមកតវ៉ា នៅមុខក្រសួងអប់រំជាបន្តបន្ទាប់ ដើម្បីឲ្យក្រសួងរកដំណោះស្រាយដ៏សមស្របណាមួយ។ ក្នុងនោះបេក្ខជនជើងខ្លាំង មេដាយមាសលេខ១ទូទាំងប្រទេសផ្នែកគណិតវិទ្យាប្រចាំឆ្នាំ២០១៨ ឆាយ លីអាន ក៏ស្ថិតនៅក្នុងចំណោមបេក្ខជនផ្សេងទៀត កំពុងរង់ចាំការដោះស្រាយយ៉ាងអន្ទះសា៕
ចុចអានអត្ថបទពាក់ព័ន្ធ៖
ផ្ទុះការលើកឡើងថា បើក្រសួងអប់រំស្រង់ពិន្ទុខុសមែន លទ្ធផលបាក់ឌុបនឹងប្រែប្រួលទូទាំងប្រទេស
ឆាយ លីអាន សិស្សឆ្នើមគណិតលំដាប់អន្តរជាតិ រៀបរាប់ទាំងទឹកភ្នែក ក្រោយធ្លាក់គណិតវិទ្យា
ទប់លែងជាប់! សិស្សនាំគ្នាចេញវីដេអូព្រោងព្រាត តវ៉ាលទ្ធផលប្រឡងធ្លាក់គណិតវិទ្យា